@dr.joeanna_boukhalil: الإنسان دايمًا بحاجة لحدا يذكّرو… مش لأنّو ما بيعرف قيمة النِعَم، بس لأنّو مع الوقت بيتعوّد عليها وبينسى قديش هي عظيمة. 🤍 من كتر ما منركّز عَ شو ناقصنا، مننسى نشوف قديش عنا… ومن كتر ما منركض ورا الشي اللي بعد ما وصلنالو، مننسى نشكر ربنا عَ كل شي وصلنالو. والأهم، إنّو الامتنان مش معناه إنّك ما تتعب، ما تزعل أو ما تطمح للأكتر… الامتنان إنّك، حتى بأصعب أيامك، ما تنسى الخير الموجود بحياتك. تعلّموا تشوفوا النعمة وهي بإيديكن، مش بس وقت تخسروها. لأنّو أوقات، الحياة اللي إنتوا عم تتذمّروا منها… هي نفسها الحياة اللي غيركن عم يدعي ربّو يعيش جزء صغير منها. 🤍 #dr_joeanna_boukhalil #mentalhealthmatters #awarnessvideo #lebanon