@kur.zanin: ئامادەکردنی: کور-زانین هۆ ڕۆڵە سەربەرزەکانی نیشتمان؛ کچان و کوڕانی چاوکراوە و ژیری کورد! ئێوە تەنیا بۆ ئەوە نەئافراوون ببنە میراتگری خەم و سەروەریەکانی دوێنێ؛ ئێوە بڕبڕەی پشتی نەتەوە، پارێزەرانی شوناسی ڕەسەن و سازێنەرانی ڕۆژانی داهاتوون! هیچ نەتەوەیەک بە شانازیکردن بە ڕابردوویەوە لەسەر پێی خۆی ڕاناوەستێت؛ ژیانی ڕاستەقینەی گەل بە هۆشیاری، فێربوونی زانست، ورەی پۆڵایین و ڕەنجی دەستی نەوەی نوێیەوە پەرەدەسێنێت و دەمێنێت. ئەگەر سەربەرزی ئەم نەتەوە مەزن و نیشتیمانە پیرۆزەتان دەوێت: پارێزەری زیمانی شیرینی دایکتان بن؛ مێژووی خۆتان بە چاوی ڕەخنە و هۆشەوە بخوێننەوە؛ قووڵ بیر بکەنەوە و لە بەرامبەر نەزانی و خشتەبردندا هەرگیز سەری خۆتان نەچەمێنن. نەهێڵن شکۆ و دیرۆکی گەلەکەتان بەتەنیا لەنێو تۆزی پەڕەکانی پەڕتووکدا بە بەستوویی بمێنێتەوە؛ بیکەن بە گوڕوتینی هزر، بەرهەمهێنان، پەروەردەی دروست و کرداری بەپێز. ڕۆڵە سەربەرزەکانی مادا و ساسان! نەتەوەکەمان پێویستی بە نەوەیەک نیە تەنیا بە دەم لافی کوردبوون لێ بدات؛ گەلەکەمان چاوی لە نەوەیەکە بە زانست، دەروونپاکی، ئازادیخوازی، یەکگرتوویی و خزمەتی خاکەکەی کوردبوونی خۆی بسەلمێنێت. لەیادتان نەچێت: مێژوو پێمان دەڵێت هیچ نەتەوەیەک بە دروشمی بەتاڵ ناگاتە لوتکە؛ کاروان بە هۆشیاری و کرداری جوان ڕێ دەکات. داهاتوو چاوەڕێی ئەوانە ناکات کە تەنێ ڕابردوو دەجوونەوە، بەڵکوو دەچێتە باوەشی ئەو دەستانەی کە ئەمڕۆ بە زانست و ئارەقەی نێوچەوان بنیاتی دەنێن. پێنووس لە دەستی ئێوەدایە؛ پەڕە سپیەکانی مێژووی داهاتووی ئەم نەتەوەیە بنووسنەوە! لە خۆتانەوە دەست پێ بکەن، بە چرای زانین تاریکی نەزانی لە کۆمەڵگە ڕابماڵن و بە کردار پیشانی بدەن کە کوردبوون تەنێ شوناسێکی بۆماوەیی نییە، بەڵکوو پەیمانێکی پیرۆز و ئەرکێکی گەورەی سەرشانە بەرامبەر بە دوێنێ، ئەمڕۆ و سبەی. چونکە داهاتووی کورد، بەوە ناپێورێت کە لە ڕابردوودا چیمان بەسەر هاتووە؛ بەوە دیاری دەکرێت کە ئێمە ئەمڕۆ لە مەیدانی زانین و خزمەتدا چۆن هەنگاو دەنێین! #کوردبوون #هۆشیاری_نەتەوەیی #نەوەی_ماگۆش #داهاتووی_کوردستان

𒀭KÛR 𒆳 ZANÎN

Open In TikTok:

Region: FR

Sunday 18 October 2026 20:33:30 GMT