@burmanmusic.2: @Burman☘️:မေတ္တာကို မေတ္တာဖြင့် တုံ့ပြန်နိုင်သူကို မေတ္တာမျှမိတဲ့အခါ အချစ်ဟာ အေးချမ်းရတယ်☘️ချစ်ခြင်းတိုင်းမှာ စိတ်ရှည်ပေးမှုဆိုတာ မဖြစ်မနေလိုအပ်ပါတယ် ချစ်ခြင်းတစ်ခု ရေရှည်တည်မြဲဖို့ဆိုတာက ချစ်တယ်ဆိုတဲ့ စကားလေးတစ်ခုနဲ့ မလုံလောက်ပါဘူး။ တစ်ဦးနဲ့တစ်ဦး မတူညီတဲ့ အတွေးတွေ အမြင်တွေ ၊ အကျင့်စရိုက်တွေ ၊ စိတ်ခံစားချက်တွေကို နားလည်ပေးနိုင်ဖို့ လိုပါတယ်။ အဲဒီလို နားလည်ပေးနိုင်ဖို့ကလည်းစိတ်ရှည်ပေးမှုဆိုတာ မဖြစ်မနေ ရှိပေးနိုင်ရမယ့် အရာတစ်ခုဖြစ်လာပြန်တယ်။ ဘာကြောင့်လဲဆိုတော့ ချစ်ခြင်းတစ်ခုဖြစ်လာဖို့ဆိုတာ သူ့အကြောင်းလည်း ကိုယ်ကသိ ကိုယ့်အကြောင်းလည်း သူကသိပြီးမှ ပတ်သက်ရွေးချယ်ခြင်းမှ မဟုတ်ဘဲ။ သူစိမ်းနှစ်ယောက်ကို မသိခြင်းတွေထဲကနေ တစ်ဦးနဲ့ တစ်ဦး လက်ခံပေးဖို့ ကြိုးစားခြင်းဘဲ မဟုတ်လား။ တကယ်ချစ််တတ်တဲ့လူတွေဟာ ကိုယ်ချစ်ရတဲ့လူရဲ့ အမှားများကို မြင်တဲ့အခါ ချက်ချင်းအပြစ်တင်ဖို့ထက် နားလည်ပေးဖို့ အရင်ကြိုးစားလေ့ရှိပါတယ်။ စိတ်အလိုမကျခြင်းတွေ ကြုံလာရင်လည်း ချက်ချင်းအပြစ်ဖို့ လက်လွှတ်မပစ်ဘဲ အမှားပြင်နိုင်ဖို့ အချိန်တစ်ခုပေးပြီးတော့လည်း စောင့်ဆိုင်းတတ်ပါတယ်။ စိတ်ရှည်ပေးနိုင်ခြင်းကလေ အတင်းလုပ်ယူလို့ မရနိုင်ပါဘူး။ စိတ်ရှည်ပေးမှုက ကိုယ်ချစ်တဲ့လူအပေါ်မှာထားတဲ့ မေတ္တာစစ်စစ်ရှိမှသာ အလိုလိုဖြစ်တည်လာတာပါ။ ချစ်ခြင်းမေတ္တာစစ်လာရင်လေ အားနည်းချက်ရှိရင်လည်း နားလည်ပေးချင်လာတယ်။ အမှားတွေလုပ်ရင်တောင် ပြုပြင်ပေးချင်လာတယ်။ အတူရှိချိန်တွေလည်း သက်တမ်းရှည်ကြာဖို့ဘဲ ဦးစားပေးကြိုးစားလာချင်ပါတယ်။ ဒါပေမဲ့လည်း စိတ်ရှည်ပေးတယ်ဆိုတာ အရာရာတိုင်းကို မျက်စိမှိတ်လက်ခံပေးနေခြင်းတော့ မဟုတ်ပြန်ဘူး။ တစ်ဦးရဲ့စိတ်ခံစားချက်ကို တစ်ဦးက တန်ဖိုးထားပေးဖို့ ၊ အမှားတွေ ထပ်မမှားဖို့နဲ့ နှစ်ယောက်လုံးက ပိုကောင်းလာအောင် အတူကြိုးစားဖို့ ဖြစ်ပါတယ်။ ချစ်ခြင်းတစ်ခုမှာ တစ်ဖက်တည်းကဘဲ အမြဲသည်းခံနေရပြီး ကျန်တစ်ဖက်က အလေးမထားဘူးဆိုရင် အဲဒီဆက်ဆံရေးက တဖြည်းဖြည်း ပင်ပန်းငြီးငွေ့လာနိုင်ပါတယ်။ စစ်မှန်တဲ့မေတ္တာစစ်စစ်ဆိုတာ တစ်ဦးက စိတ်ရှည်ပေးတဲ့အခါ ကျန်တစ်ဦးကလည်း ဒီစိတ်ရှည်ပေးမှုရဲ့ တန်ဖိုးကို တန်ဖိုးထားပေးတတ်ရပါတယ်။ ပြန်အကျဉ်းချုပ်ပြောရရင် ချစ်ခြင်းမေတ္တာဆိုတာ ပျော်ရွှင်နေချိန် အောင်မြင်နေချိန်များမှာ အတူရှိပေးခြင်းတစ်ခုတည်းတော့ မဟုတ်ပါဘူး။ အဆင်မပြေတဲ့အချိန်မှာ အတူရှိပေးခြင်း ၊ အမှားတွေလုပ်ရင်တောင် ထပ်မမှားစေဖို့ အချိန်ပေး ပြင်ဆင်ခွင့်ပေးခြင်းနဲ့ ခက်ခဲရုန်းကန်မှုတွေကြားမှာ အနားမှာရှိပေးပြီး အတူအားဖြည့်ရင်ဆိုင်ခြင်းတွေပါပဲ။ မေတ္တာစစ်စစ်ရှိမှလည်း စိတ်ရှည်ပေးချင်တာပါ။ စိတ်ရှည်ပေးမှလည်း ချစ်ခြင်းတစ်ခုဟာ ပိုမြဲခိုင်မှာဖြစ်ပါတယ်။

Burman

Open In TikTok:

Region: MM

Monday 19 October 2026 01:01:24 GMT