هي لفظ ڪنهن عام ماڻهوءَ جا ناهن، پر هڪ اهڙي بيوس پيءُ جي دل مان نڪتل دانهون آهن، جنهن جي اکين اڳيان نه سهي، پر دل ۾ پنهنجي جوان پٽ جي وڇوڙي جو اهڙو طوفان آهي، جنهن کي لفظن ۾ بيان ڪرڻ به ڏکيو آهي هاءِ افسوس شهيد بابر هنڱورجو جي والد جا اهي ڏکوئيندڙ لفظ هر حساس دل کي لوڏي ڇڏين ٿا. روئيندي، لڙڪ لاڙيندي هڪ پيءُ چوي ٿو ته ”منهنجو پٽ پڙهيل لکيل نه هجي ها، شعور ۽ علم حاصل نه ڪري ها، اڻ پڙهيل ٻڪرار يا ڌنار هجي ها، ته شايد اڄ پنهنجي گهر ۾ زنده هجي ها! گهٽ ۾ گهٽ منهنجي اکين اڳيان جوانيءَ ۾ اهڙيءَ طرح مون کان نه وڇڙي هڪ پيءُ جي دل تي ڇا گذري رهيو هوندو جو هو پنهنجي پٽ جي تعليم ۽ شعور کي ئي پنهنجي پٽ جي موت جو سبب سمجهي روئي رهيو آهي جنهن علم کي انسان جي روشني، جنهن تعليم کي ترقيءَ جو رستو ۽ جنهن شعور کي زندگيءَ جي سڃاڻپ سمجهيو وڃي ٿو، اڄ انهيءَ شعور واري نوجوان جي والد کي پنهنجي ئي پٽ جي وڇوڙي اهڙا لفظ چوڻ تي مجبور ڪري ڇڏيو آهي پر سوال اهو آهي ته ڇا هن ملڪ ۾ پڙهڻ، شعور حاصل ڪرڻ ۽ عزت سان جيئڻ جو خواب ڏسڻ ڏوهه آهي؟ ڇا هڪ نوجوان کي حق ناهي ته هو پنهنجي گهر وارن سان گڏ خوشحال زندگي گذاري؟ ڇا والدين پنهنجي ٻچن کي پڙهائي، کين مستقبل جا خواب ڏيکارين ۽ پوءِ انهن جي جنازي جي اوسيئڙي ۾ ويهي رهن بابر هنڱورجو رڳو هڪ نوجوان جو نالو نه هو؛ هو پنهنجي والدين جي اميد، پنهنجي گهر جي خوشي، پنهنجي خاندان جو سهارو ۽ پنهنجي مستقبل جا هزارين خواب کڻي جيئندڙ هڪ نوجوان هو. اڄ سندس وڇوڙي هڪ پيءُ جي اکين مان ننڊ کسي ورتي آهي، هڪ گهر جي خوشين کي ماتم ۾ بدلائي ڇڏيو آهي ۽ پوري علائقي جي امن بابت ڪيترائي سوال اٿاري ڇڏيا آهن افسوس کپرو ۽ ڀرپاسي جي علائقن جي امن امان جي صورتحال تي! افسوس انهن ذميوارن تي، جن جي ڪلهن تي عوام جي جان ۽ مال جي حفاظت جي ذميواري آهي. عوام آخر ڪيستائين خوف جي پاڇي ۾ زندگي گذاريندي والدين ڪيستائين پنهنجن ٻچن جي سلامتيءَ لاءِ دعائون گهرندا رهندا؟ ۽ آخر ڪيستائين اهڙن واقعن کان پوءِ رڳو مذمتي بيان جاري ٿيندا رهندا اسان انتظاميه، ضلعي پوليس ۽ وس وارن کان پڇون ٿا ته شهيد بابر هنڱورجو جي خون جو حساب ڪير ڏيندو؟ سندس والد جي اکين مان وهندڙ لڙڪن جو جواب ڪير ڏيندو؟ سندس خاندان کي انصاف ڪير ڏياريندو اسان جو مطالبو ڪنهن سان دشمني ناهي، اسان جو مطالبو قانون جي حڪمراني آهي. اسان جو مقصد ڪنهن سان نفرت ناهي، اسان جو مقصد امن ۽ انصاف آهي. اسان چاهيون ٿا ته هن واقعي جي شفاف جاچ ڪئي وڃي، ذميوارن کي قانون جي ڪٽهڙي ۾ آندو وڃي ۽ شهيد بابر هنڱورجو جي خاندان کي انصاف فراهم ڪيو وڃي اڄ بابر جو والد روئي رهيو آهي، سڀاڻي ڪنهن ٻئي گهر مان اهڙيون دانهون نه اٿن؛ ان لاءِ ضروري آهي ته انتظاميه هاڻي عملي قدم کڻي. عوام کي تقريرون نه، تحفظ گهرجي؛ بيان نه، نتيجا گهرجن؛ ۽ واعدا نه، انصاف گهرجي هاءِ بابر تنهنجي والد جي اها دانهن هر باشعور انسان جي ضمير کي جنجهوڙي رهي آهي ڪو به پيءُ پنهنجي پٽ کي اڻ پڙهيل ڏسڻ نٿو چاهي، پر جڏهن هڪ پيءُ پنهنجي پٽ جي وڇوڙي ۾ اهڙا لفظ چوي، ته سمجهي وٺو ته سندس درد ڪيترو گهرو آهي ۽ امن امان جي صورتحال بابت عوام ڪيتري مايوسيءَ جو شڪار آهي الله پاڪ شهيد بابر هنڱورجو جي مغفرت فرمائي، سندس درجات بلند ڪري، سندس وارثن کي صبر جميل عطا فرمائي ۽ انتظاميه کي مظلوم خاندان کي انصاف ڏيارڻ جي توفيق ڏئي. آمين يا رب العالمين.......!🤲💔 copy 🖋️😥💔😭نھڙي صاحب 💔😭😥🖋️ - @udasthrinhorisab470