အကြမ်းဖက်စစ်တပ်ထံသို့ အခွန်ဆောင်၍ CI နှင့်နိုင်ငံကူးလက်မှတ် လုပ်စရာ မလိုဘဲ ထိုင်းရောက် မြန်မာအလုပ်သမားများ ပန်းရောင်ဘတ်၊ အလုပ်လုပ်ခွင့်ပါမစ်တို့ဖြင့် တရားဝင်နေထိုင် အလုပ်လုပ်ခွင့် ရရှိရေး တောင်းဆိုလှုပ်ရှားမှုစတင် ရန်ကုန်၊ အောက်တိုဘာ ၁၈ အကြမ်းဖက်စစ်တပ်ထံသို့ အခွန်ဆောင်၍ CI နှင့်နိုင်ငံကူးလက်မှတ် လုပ်စရာ မလိုဘဲ ထိုင်းရောက် မြန်မာအလုပ်သမားများ ပန်းရောင်ဘတ်၊ အလုပ်လုပ်ခွင့်ပါမစ်တို့ဖြင့် တရားဝင်နေထိုင် အလုပ်လုပ်ခွင့် ရရှိရေး တောင်းဆိုလှုပ်ရှားမှုစတင်လိုက်ကြောင်း သိရှိရသည်။ ထိုင်းနိုင်ငံရောက် မြန်မာရွှေ့ ပြောင်းလုပ်သားများ မြန်မာရွှေ့ပြောင်းလုပ်သားများ ပန်းရောင်ဘတ်၊ Work Permit တို့ဖြင့် တရားဝင်နေထိုင် အလုပ်လုပ်ခွင့် ရရှိရေး ကမ်ပိန်းလှုပ်ရှားမှု စတင်နေကြောင်း NUG အစိုးရ အလုပ်သမားရေးရာဦးစီးဌာန လူသားချင်းစာနာဝန်ကြီးဌာနက တရားဝင်ကြေညာသည်။ မြန်မာရွှေ့ ပြောင်းလုပ်သားများ၏ တရားဝင်ရပ်တည်ခွင့်နှင့် အလုပ်သမားအခွင့်အရေးများ ရရှိရေးအတွက် MMWRCCT ကော်မတီနှင့် ထိုင်းရောက် ရွှေ့ပြောင်းမြန်မာအလုပ်သမား အဖွဲ့အစည်းများ ပူးပေါင်း၍ ကမ်ပိန်းလှုပ်ရှားမှုကို ယနေ့ (အောက်တိုဘာ ၁၈ ရက်) တွင် စတင်လိုက်ပြီး ရွှေ့ပြောင်းလုပ်သားများအားလုံး တက်ကြွစွာ ပူးပေါင်းပါဝင်ကြရန် နှိုးဆော်ဖိတ်ခေါ်ထားကြောင်း သိရသည်။ အဆိုပါ ကမ်ပိန်းတွင် ထိုင်းနိုင်ငံအတွင်းရှိ မြန်မာအလုပ်သမားများ၏ တရားဝင် ရပ်တည်ခွင့်နှင့် ပတ်သက်၍ CI စာအုပ် ပြုလုပ်ရန် မလိုလားရေး၊ CI နှင့် Passport (နိုင်ငံကူးလက်မှတ်) မလိုအပ်ဘဲ ပန်းရောင်ဘတ်နှင့် Work Permit (အလုပ်လုပ်ခွင့်ကတ်) တွဲဖက်၍ ထိုင်းနိုင်ငံအတွင်း တရားဝင်နေထိုင် အလုပ်လုပ်ခွင့် ရရှိရေး၊ Visa မရှိဘဲ Work Permit သက်တမ်းတိုးခွင့် ရရှိရေးနှင့် Work Permit နှင့်တွဲ၍ ပန်းရောင်ဘတ်အား Visa ထုတ်ပေးနိုင်ရေး အောက်ပါ တောင်းဆိုချက် ၄ ချက် ကို ကြွေးကြော်တောင်းဆိုထားကြောင်း သိရသည်။ ကမ်ပိန်းတွင် ပါဝင်လိုသည့် မြန်မာရွှေ့ပြောင်းလုပ်သားများအနေဖြင့် A4 စာရွက်တစ်မျက်နှာလျှင် ၂ ချက်စီဖြင့် ၂ ရွက် Print ထုတ်ယူကာ လက်နှစ်ဖက်ဖြင့် ကိုင်ဆောင်ကာ မိမိတို့၏ မျက်နှာကို ဖော်၍ဖြစ်စေ၊ ကွယ်၍ဖြစ်စေ ဓာတ်ပုံရိုက်ကူးပြီး ယနေ့ အောက်တိုဘာ ၁၈ ရက် နံနက်ပိုင်းမှစ၍ မိမိတို့၏ လူမှုကွန်ရက် (Facebook) ပေါ်တွင် တင်ပေးကြရန် အသိပေးထားသည်။ ထို့အပြင် ရိုက်ကူးထားသည့် လှုပ်ရှားမှုဓာတ်ပုံများကို စုစည်း၍ Line Group မှတစ်ဆင့် MMWRCCT Admin အဖွဲ့ထံသို့ ပေးပို့နိုင်ကြောင်း၊ မိမိတို့၏ အနာဂတ် ရပ်တည်ရေးနှင့် ရသင့်ရထိုက်သည့် အခွင့်အရေးများအတွက် ထိုင်းရောက် မြန်မာရွှေ့ပြောင်းလုပ်သားများအားလုံး စည်းလုံးညီညွတ်စွာဖြင့် ယခုကမ်ပိန်းတွင် တက်ကြွစွာ ပူးပေါင်းပါဝင်ပေးကြပါရန် MMWRCCT ကော်မတီနှင့် အလုပ်သမားအဖွဲ့အစည်းများက တိုက်တွန်းနှိုးဆော်ထားသည်။ အကြမ်းဖက်စစ်တပ်က ပြည်ပရောက် မြန်မာအလုပ်သမားများထံမှ လစာ၏ ၂၅ ရာခိုင်နှုန်း မိခင်နိုင်ငံသို့ ပြန်လွှဲငွေ အထောက်အထား၊ အခွန်ဆောင်သည့် အထောက်အထားများဖြင့် CI နှင့် နိုင်ငံကူးလက်မှတ်များ လုပ်ဆောင်ပေးမည်ဖြစ်ကြောင်း၊ ပြည်ပရောက် မြန်မာများထံမှ ၂၀၂၅ ခုနှစ်တွင် အမေရိကန်ဒေါ်လာ ၅ ဘီလီယံကျော်ရရှိခဲ့ပြီး ယခုနှစ်တွင်လည်း ယမန်နှစ်ကဲ့သို့ အမေရိကန်ဒေါ်လာ ၅ ဘီလီယံကျော်ရရှိရေး ဆောင်ရွက်သွားမည်ဖြစ်ကြောင်း အကြမ်းဖက်စစ်တပ်၏ အလုပ်သမားဝန်ကြီး မောင်မြင့်က ထုတ်ဖော်ပြောဆိုထားသည်။@Zayar TBZ 5 @ZayarTBZ 7.1News🍉 #စစ်တပ်ယုတ်မာမှုပေါင်းစုံငါတို့အသိဆုံး #zayartbz #မြန်မာသတင်း #ပြည်တွင်းသတင်း #ဒေသသတင်းရင်းမြစ် - @zayartbz7news