СӘТБАЕВ ҚАЛАСЫНДА АЛЫП ТАСТАЛҒАН БОРДЮРЛАР ҚАЙДА КЕТІП ЖАТЫР? БЮДЖЕТ ҚАРЖЫСЫНА КІМ ЖАУАП БЕРЕДІ? Сәтбаев қаласы әкімінің орынбасары Ахмет Сыздыманов пен Сәтбаев қаласының жолаушылар көлігі және автомобиль жолдары бөлімі мемлекеттік мекемесінің басшысы Темиржан Жамауов жол жөндеу жұмыстары барысында алынып тасталған бұрынғы бордюрлардың нақты қайда кеткенін көрсетіп, сұраққа тұщымды жауап бере алмады. Сонда қала көшелерінен алынып тасталған бордюрлар қайда? Оларды кім алып кетті? Қай жерде сақталып жатыр? Әлде жарамды бордюрлар есепсіз шығарылып, орнына бюджет қаржысына жаңалары сатып алынып жатыр ма? Қазақстан Республикасының Президенті Қасым-Жомарт Тоқаев мемлекеттік қаржыны тиімді пайдалану, бюджет шығындарын оңтайландыру және ысырапшылдыққа жол бермеу қажеттігін бірнеше рет атап өткен болатын. Президент әкімдерге бюджет қаражатын үнемдеп, әрбір теңгені тиімді жұмсауды талап етіп отырғанда, Сәтбаев қаласының жауапты басшылары бұрынғы бордюрлардың қайда кеткенін неге нақты түсіндіріп бере алмайды? Егер бұрынғы бордюрлар пайдалануға жарамды болса, оларды неге қайта қолданбасқа? Неге халықтың ақшасына қайта-қайта жаңа материал сатып алу қажет? Ал егер жарамсыз болса, оны растайтын тиісті техникалық қорытынды мен есептен шығару құжаттары қайда? Менің ойымша, бұл жерде жай ғана жол жөндеу жұмыстарының сапасы емес, мемлекеттік мүліктің сақталуы, бюджет қаражатының тиімді жұмсалуы және лауазымды тұлғалардың жауапкершілігі туралы мәселе көтеріліп отыр. Сондықтан Ахмет Сыздыманов пен Теміржан Жамауовтан алынып тасталған бордюрлардың жалпы санын, олардың қайда жеткізілгенін, кімнің балансына тіркелгенін, қаншасы қайта пайдаланылғанын және қаншасы есептен шығарылғанын растайтын құжаттарды көпшілікке жариялауды талап етемін! Құр сөз емес, нақты құжат көрсетіңіздер! Қалада шешілмеген мәселе жетіп артылады. Жолдардың сапасына қатысты тұрғындардың шағымы азаймай отыр. Осындай жағдайда бюджет қаржысының әрбір теңгесі қатаң бақылауда болуы керек. Егер жауапты басшылар өздері бақылауға міндетті жұмыстары бойынша қарапайым сұраққа нақты жауап бере алмаса, олардың қызметтік жауапкершілігіне қандай баға беруіміз керек?@Қасым-Жомарт Тоқаев @Aqorda 🇰🇿 @Бас Прокуратурасы Мурат.А @ПРЕЗИДЕНТ ТЕЛЕРАДИОКЕШЕНІ Осы мәселеге байланысты құзырлы органдардан алынып тасталған бордюрлардың қозғалысына, есепке алынуына, сақталуына және жаңаларын сатып алуға жұмсалған бюджет қаражатына тексеру жүргізуді сұраймын. СӘТБАЕВ ҚАЛАСЫНЫҢ БАСШЫЛАРЫ, БҰРЫНҒЫ БОРДЮРЛАРДЫҢ ҚАЙДА КЕТКЕНІН ХАЛЫҚҚА АШЫҚ КӨРСЕТІҢІЗДЕР! - @nurbolat_bazarbekuly