@sopheakfn: លោក ដូណាល់ ត្រាំ៖ បារាំងកំពុងឆាបឆេះ និងត្រូវបានបំបែកបំបាក់ដោយអន្តោប្រវេសន៍ (Video inside) (វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ នៅថ្ងៃអាទិត្យ ទី១៨ ខែតុលា ឆ្នាំ២០២៦ បានបន្ទោសថាបញ្ហាអន្តោប្រវេសន៍គឺជាមូលហេតុបង្កឱ្យមានភាពចលាចលអំឡុងបាតុកម្មតវ៉ានៅក្នុងប្រទេសបារាំង ហើយជំរុញឱ្យប្រទេសអឺរ៉ុបមួយនេះរឹតបន្តឹងច្បាប់អន្តោប្រវេសន៍។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ ក្នុងការបង្ហោះមួយលើបណ្ដាញទំនាក់ទំនងសង្គម Truth Social លោក ត្រាំ បានគូសបញ្ជាក់ដូច្នេះថា «បារាំងកំពុងឆាបឆេះ! ការធ្វើអន្តោប្រវេសន៍របស់មនុស្សមកពីតំបន់ផ្សេងៗនៅទូទាំងពិភពលោក ហើយដែលមនុស្សទាំងនោះមានទោសៈនៅក្នុងចិត្តរបស់ពួកគេបានបំបែកបំបាក់ប្រទេសមួយដែលធ្លាប់តែអស្ចារ្យ»។ ព្រមពេលជាមួយគ្នា លោក ត្រាំ ក៏បានជំរុញឱ្យបារាំងរឹតបន្តឹងច្បាប់អន្តោប្រវេសន៍ផងដែរ។ «បិទព្រំដែនរបស់អ្នក ហើយគ្រប់គ្រង មុននឹងវាយឺតពេល»។ នេះជាការបន្ថែមរបស់លោក ត្រាំ។ គួរបញ្ជាក់ថា មនុស្ស ២៤០០នាក់ត្រូវបានចាប់ខ្លួននៅទូទាំងប្រទេស ខណៈប៉ូលិសជិត ១០០០នាក់បានរងរបួស នៅបាតុកម្មតវ៉ាដ៏ចលាចលមួយកាលពីថ្ងៃសៅរ៍ចុងសប្ដាហ៍កន្លងទៅ ជុំវិញការកើនឡើងការចំណាយក្នុងជីវភាពប្រចាំថ្ងៃ និងការថយចុះសេវាសាធារណៈ។ បាតុកម្មបានប្រែក្លាយជាកុបកម្មនៅតាមទីក្រុងជាច្រើននៅទូទាំងប្រទេសបារាំង ជាពិសេសនៅប៉ារីស និង Marseille ជាទីដែលប៉ូលិសប្រឆាំងកុបកម្មបានព្យាយាមរារាំងការប៉ុនប៉ងចូលលួចរបស់របរក្នុងហាងទំនិញ និងការដុតបំផ្លាញទ្រព្យសម្បត្តិ៕

SopheakFN

Open In TikTok:

Region: KH

Monday 19 October 2026 05:11:58 GMT