@bairaq_media: Әнші Дильназ Ахмадиева мен «Азия» тобының «Milfa» атты жаңа әні желіде қызу талқыланып жатыр. Әннің мәтіні мен бейнебаянындағы қазақ тілі мұғалімінің бейнесі көпшіліктің сынына ұшырады. Клипте Дильназ Ахмадиева мұғалім рөлін сомдайды. Ал ән мәтінінде «Мен қандай тәте? Тәте деген – қате, тым болмаса милф деп ата» деген жолдар бар. Желі қолданушылары мұндай образдың ұстазға сай келмейтінін айтып, әннің оқушыларға ықпалына алаңдаушылық білдірді. «Енді оқушылар мұғалімдерін милф деп атай ма?», «Неге дәл қазақ тілі мұғалімі?», «Ұят, оқу орны мен мұғалімге лайықсыз әрекет» деген пікірлер жазылды. Сынға байланысты «Азия» тобының мүшесі Ринат Басит түсініктеме беріп, кешірім сұрады. «Біздің мақсатымыз – шығармашылық, ешкімді ренжіту немесе құрметсіздік таныту емес. Егер жұмысымыз біреудің көңіліне тисе, кешірім сұраймыз», – деп жазды ол.