@licado.page: Barabara Kuu ya Segera–Tanga itafungwa kwa muda wa saa nne kesho, Oktoba 20, 2026, kuanzia saa 2:00 asubuhi hadi saa 6:00 mchana, ili kuruhusu matengenezo ya madaraja ya Hale na Maguzoni. Meneja wa Wakala wa Barabara Tanzania (TANROADS), Mkoa wa Tanga, Msama Kosani, amesema matengenezo hayo ni mwendelezo wa kazi zilizofanyika awali katika sehemu za chini za madaraja hayo, ambapo kwa sasa ukarabati utafanyika katika sehemu za juu ili kuimarisha usalama wa watumiaji wa barabara hiyo. Kosani amewataka watumiaji wa barabara hiyo kuwa wavumilivu wakati wa utekelezaji wa zoezi hilo, akieleza kuwa maandalizi ya vifaa yamekamilika ili kuhakikisha kazi zinafanyika kwa haraka na huduma za usafiri zinaendelea mara baada ya matengenezo kukamilika. Ameongeza kuwa hatua hiyo ni sehemu ya mkakati wa kuimarisha madaraja na kujiandaa kukabiliana na athari za mvua za El Niño zinazotarajiwa kunyesha kabla ya Desemba. Watumiaji wa barabara hiyo wanashauriwa kupanga safari zao mapema ili kuepuka usumbufu. #LicadoPage #licadoupdats

Licado Page

Open In TikTok:

Region: TZ

Monday 19 October 2026 06:13:30 GMT