@dinya1999: Wizara ya Mambo ya Ndani ya Saudi Arabia imethibitisha kutekeleza hukumu ya kifo cha kukatwa kichwa dhidi ya raia wawili wa Bangladesh, mwanamume Nazrul Islam Basir na mwanamke Siti Akhtar, kufuatia hatia ya kufanya vitendo vya kiasherati ndani ya eneo takatifu mkoani Makkah. Serikali ya Saudia imeeleza kuwa kitendo hicho ni uvunjaji mkubwa wa maadili na udhalilishaji wa eneo takatifu la Kiislamu. Mahakama Kuu nchini humo iliidhinisha adhabu hiyo kali chini ya sheria za Kiislamu (Ta'zir) ili kuwa fundisho kwa wengine. Hata hivyo, Ubalozi wa Bangladesh nchini Saudia umeeleza kushitushwa na utekelezaji huo, ukidai haukupewa taarifa za mapema kabla ya hukumu hiyo kutekelezwa na sasa umeiomba Serikali ya Saudia kutoa maelezo ya kina ya kisheria. 👇 Wewe una mtazamo gani kuhusu adhabu hii kali iliyotolewa na Saudi Arabia? #SaudiArabia #Makkah #Bangladesh