@hafta.azresmi: TƏBİB-in ləğv edilərək Səhiyyə Nazirliyinin tabeliyinə verilməsi səhiyyə sistemində idarəetmənin vahid mərkəzdən həyata keçirilməsi baxımından mühüm addım kimi qiymətləndirilir. Bəs bu dəyişiklik xəstəxanaların fəaliyyətinə, tibbi xidmətlərin keyfiyyətinə və vətəndaşların səhiyyə xidmətlərinə əlçatanlığına necə təsir edəcək? Tibb eksperti Adil Qeybulla Hafta.az-a açıqlamasında bildirib ki, TƏBİB-in yaradılması ilkin mərhələdə icbari tibbi sığorta mexanizminin tətbiqi və klinikalarda fəaliyyətinin təşkili ilə bağlı olub. Onun sözlərinə görə, eyni sahədə iki ayrı icra qurumunun fəaliyyət göstərməsi idarəetmədə müəyyən çətinliklər yaradırdı. Ekspert hesab edir ki, qərarların vahid icra qurumu tərəfindən qəbul edilməsi, xəstəxanalara vahid rəhbərliyin təmin olunması və məsuliyyət bölgüsünün aydınlaşdırılması səhiyyə sisteminin daha səmərəli fəaliyyətinə şərait yarada bilər. Adil Qeybulla vurğulayıb ki, əsas məqsəd Azərbaycan səhiyyəsini inkişaf etmiş ölkələrin səhiyyə sistemlərinə yaxınlaşdırmaq, tibb işçilərinin iş şəraitini yaxşılaşdırmaq və vətəndaşların göstərilən tibbi xidmətlərdən daha çox fayda əldə etməsini təmin etmək olmalıdır.#hafta #tiktok #keşfet #səhiyyə #tiktok

hafta.azreami

Open In TikTok:

Region: AZ

Monday 19 October 2026 08:05:40 GMT