جهڙا ھن تهڙا ھن منهنجا آهن...! جيئن ته عطاءالله اؙنڙ پنهنجي ڀاءُ جي شادي جو سڏ ڏنو هيو جنهن ۾ اسان شهدادڪوٽ جا ڪجهہ دوست شريڪ ٿياسين. جنهن ۾ ڀائو پير بخش ڀٽي، الطاف قادري، استاد غلام سرور سومرو۽ مرحوم نظير احمد شيخ ۔ ان پروگرام ۾ شريڪ ٿياسين. جتي عطاء الله اؙنڙ پنهنجي ڀاءُ جي ڪاڄ ۾ شريڪ ٿيندي نظر ڪونه آيو جڏهن اسان عطا ءالله جي پڇاءُ ڪئي، ته اؙن جي موٽ ۾ اسان کي اؙنهن جي ڀائرن چيو. ته عطاءالله ڪم سانگي ويو آهي، آجهو ٿو اَچي. وقت گذرندو رهيو عطاءالله نظر نه آيو, اؙن بعد اَسان ٻيهر اؙنهن جي ڀائرن کان پڇا ڪئي تـ ڇا عطاءالله ڪاوڙجي ويو آهي؟ اگر ھا ته اسان کي ٻڌايو اسان ان کي پرچائي وٺي اچون. جنهن تي اؙن جي ڀاءُ آهستي ڪن ۾ چوڻ لڳو ته جناب سائين جي ايم سيد ميڊم حميده کھوڙو وٽ آيل آهي , عطا ءالله اوڏانهن ويل آهي. پوءِ اسان سائين جي. ايم. سيد جي اچڻ جي خبر ٻڌي تڪڙا پير ڪري اوڏانهن رونا ٿياسين. رستي تي دوست مليا جن اسانکي ڏسي چوڻ لڳا ته سائين چيو آهي ته گهر ڌڻي ميزبان ٿڪي چور ٿيا آهن، ۽ مان به آرام ڪيان ٿو اِنهي ڪري اسان به اؙتان اؙٿي آيا آهيون. ان بعد ڪجهه ٻيا به دوست واٽ ويندي مليا جن اسانکي چيو ته سائين اؙٿي ڪونهه ويو آهي اسان اؙتان ھاٹي اؙٿي آهيا آهيون سائين اڃان ويٺو آهي. پوءِ اسان سڀئي دوست ايوب کهوڙي جي بنگلي طرف راهي ٿياسين آجهو اؙتي پهتاسين ته دروازي تي بيٺل گيٽ ڪيپر هڪ مھيسر نوجوان کي روڪي بيٺو هيو، جيڪو اؙن کي اندر داخل ٿيڻ نه پيو ڏي. اؙن جي حالت تمام نشي ۾ ڌؙتَ ۽ انتهائي خراب هئي، تنهن جي ڪري ان کي اندر وڃڻ نه پيو ڏنو وڃي. کيس اسان اؙن کي سڃاتو سين ته اسان ان کي پاڻ سان گڏ اندر وٺي وياسين جتي سائين جي. ايم. سيد ٻيا اؙتي محفل مچايون ويٺا هيا. اسان به هن کي اوڏانهن وڃڻ نه ڏنو سين! اِن ڪري اسان چاهيو پئي ته سائين دوستن جي رِهاڻ مان فرست حاصل ڪري ته ان بعد اسان ملاقات ڪيون. ليڪن نوجوان گهڻيون رڙيون ۽ هَنگامؙو ڪري رهيو هيو ته, مونکي ڇڏيو ته آءُ بابي سان ملان. اِن سڄي ھؙل گوڙ تي ان محفل جي اندران سائين جي ايم سيد ئي ماڻهو ٻاهر موڪليو ته هي گوڙ ڇا جو آهي؟! جڏهن اؙهو ماڻهو ٻاهر اَچي پڇڻ لڳو ته هي ڇا جو گوڙ آهي؟ جنهن تي کين اسان ان کي ٻڌايوسين ته هي نوجوان سائين سان ملڻ چاهي ٿو، جنهن کي اسان ھن ڪيفيت ۾ ملڻ کان روڪي رهيا آهيون. جڏهن اهو ماڻهو سڄو لقاءؙ ڏسي واپس اندر وڃي سائين جي ايم سيد کي چيائين ته هڪ نوجوان آهي جيڪو خراب حالت ۾ آهي اؙھو اوهان سان ملڻ جي خواهش ڏيکاري رهيو آهي. جنهن تي سائين انهن کي اجازت ڏني ته ان کي اندر اچڻ ڏيو. جهڙي محل اسين ان نوجوان سميت اتي پهتاسين جتي سائين وارا ويٺا ھئا, ته اؙهو نوجوان سائين جي پيرن ۾ وڃي ويهي رهيو. جنهن تي سائين اؙن کي مٿي ڪري ويهارين ته پوءِ اؙنهن ويٺلن ماڻھون مان ڪنهن سائين کي اِهيو چيو تـ سائين اِهيا قوم آهي نه جنهن جي لاءِ توهان پنهنجي سڄي ڄمار جيلن ۽ نظربندي ۾ گذاري آهي. اؙن تي سائين موٽ ۾ چوڻ لڳو جي ھي قوم سڌريل هجي ها، ته مونکي ايڏا ڪشالا ۽ جدوجهد ڪرڻ جي ڪهڙي ضرورت آهي، جيڪڏهن قوم مونکي نٿي سڃاڻي مان ته قوم کي سڃاڻان ٿو نـ .. خير جنهن تي ان ميڙاڪي ۾ سڀ خاموش ٿي ويا. ڪچهري کان بعد سائين چيو ته ميزبان به آرام ڪن ۽ مان به آرام ڪيان صبح جو پاڻ ملنداسين پوءِ اسان سڀ دوست اؙن شادي جي پروگرام ڏانهن واپس وياسين. رات اؙتي گذاري صبح جو وري نائين يا شايد ڏهين وڳي اسان سائين وٽ واپس آياسين. سائين ٻاهر وڏي هجوم ۾ هيو ۽ لاڙڪاڻي جا تقريبن فوٽو گرافر موجود هيا ۽ قوم سڄي سائين سان فوٽو ڪڍرائڻ۾ مشغول هئي. سائين جي اؙن نوجوان مهيسر تي نظر پئي ته هو سڀني کان پري بيٺي سائين کي نظر ٿي آيو، جنهن تي مهيسر نوجوان کي چيائين توهان پري بيٺا آهيو! توهان ڇو نٿا فوٽو ڪڍرايو؟! ته اؙن نوجوان مهيسر سائين کي چيو ته سائين توهان سان گڏ ٻيو ڪوئي به نه آئون ۽ توھان اڪيلا هجو. توهان سان فوٽو ۾ اڪيلو مان هجان، جنهن تي سائين اسان سڀ دوستن کي پري ڪيو. پوءِ مهيسر آيو سائين جي ايم سيد سان اچي اڪيلو بيٺو سائين جي ايم سيد فوٽو گرافرن کي چيائين ته جيسيتائين مهيسر انڪار نـ ڪري ان واقت تائين فوٽو ڪڍڻ کان بس نـ ڪجو. ان کان بعد ۾ سائين جي. ايم. سيد نوجوان مهيسر کي چيو، ته ادا نوجوان رات ڏٺئي نـ ماڻهو ڇا پيا چون مون کي؟ پوءِ سائين اسان نوجوانن ڏي منهن ڪري چوڻ لڳو ته جيڪڏهن مهيسر هاڻي ان عادت کان باز نه ٿو اچي ته پو ِء توهان مونکي ٻڌائجو. ۽ توهان نوجوان ڪجهه نه ڪجو توهان نوجوانن جي ڪاروائي ڏکي آهي. اؙهي لفظ چئي پوءِ سائين نوجوان مهيسر کي ڀاڪر وجهي زار قطارون روئي رهيو هيو. ۽ اؙتي چوڻ لڳو ته جهڙا هن تهڙا هن هوء منهنجا آهن ۽ مان اؙنهن جو آهيان. #viralvideo #ForYou #fyp #world #sindhwale - @ikhtiarsindhi8