@senseofameena: اهلا بيكي في تعب يوم وراحة شهر زي عادتنا💁🏻♀️ متنسيش تعملي فولو عشان تشوفي الفيديو الجاي وsave عشان ترجعي للتجهيزات🤝 التتبيلة اللي بسيب فيها الفراخ في الفريزر لو مش هتبلها بحاجة معينة بتفرق اوي في عدم وجود زفارة وأياً كان الوصفة اللي هعملها بتبقى احلى بكتير لما اكون عاملة الخطوة دي بجد عن تجربة واتعلمتها من شيف في التلفزيون🫶🏼 عبارة عن بصل مفروم او مبشور مع ملح وفلفل وقرفة بسيط اوي اوي ورشة حبهات مطحون بسيطة اوي برضو عشان لما بتزيد طعمها بيبان ورشة خل برضو صغيرة اوي ومن الريحة هتفهموا من قبل ما تحطوها في الفريزر هي بتعمل ايه😄 تتبيلة البانيه بتاعتي اللي معتمداها من سنين من غير بيض عبارة عن👇🏼 ماء بصل (هنا كان مجمد عشان انا اصلا بحتفظ بيه لليوم ده لما باجي اعمل كفتة واصفي البصل من المياه ف مش بشيل همه😉) زبادي كاتشب او صلصة مسطردة خل بسيط سكر بسيط ملح وفلفل وكبابة صيني واوريجانو وبصل بودر والبريدنج عبارة عن👇🏼 بقسماط مطحون واللي بطحنه في البيت بيبقى احلى بكتير من الجاهز دقيق اقل بكتييير من البقسماط معلقتين تلاتة كده نشا م ص بيكنج بودر ملح وفلفل وكبابة صيني وبابريكا لما بيكون عندي كمان سمسم وحبة البركة بحط بيبقى حلو اوي اوي ويستاهل التجربة👌🏽 حشوة الإنقاذ خدت براءة اختراع عليها👇🏼😂 مكعبات فراخ بنزلها تتشوح في سمنة وزيت او زبدة وزيت ومعاها ملح وفلفل واوريجانو وبهارات فراخ بحب بتاعة باب الشام اوي وبابريكا لما تستوى بنسبة ٨٠٪ مثلا نخرجها ولو محتاجين مادة دهنية دهنية تاني نزود وننزل البصل المفروم بحبه خشن مش ناعم هنا وبعده بشوية الفلفل الاخضر والالوان وبعده بشوية المشروم بس مكانش عندي المرة دي وجربت المرة دي كمام ازود جزر مبشور خلاها مسكرة واحلى😋 وبتبلهم بنفس التوابل ولما يدخلوا في السوا ارجع الفراخ تاني وكله ياخد من بعضه ولما كله يستوي بسيبها تبرد واقسمها واحطها في الفريزر بتنفع في حاجات كتير زي ما قلت في الفيديو🫰🏼 بس لحد هنا واستنوا الفيديو الجاي نكمل🫶🏼 وصفات سهلة وسريعة التجهيز المسبق للوجبات Meal prepping أفكار تفريزات ماما في الشغل Meal prep ideas Working mom Mom life Quick and easy recipes #senseofameena #mealprep #workingmom #busymomideas #تفريزات
