@htetaung4018: မချစ်တော့ဘူးဆိုရင်လဲ ပွင့်ပွင့်လင်းလင်း ပြောပြပြီး လွှတ်ပေးလိုက်ပါ။ သနားစိတ်နဲ့တော့ မျှော်လင့်ချက်အတုတွေ ပေးပြီး ငါ့ကို မဆွဲထားပါနဲ့တော့….။ တကယ်မချစ်တော့တဲ့သူတစ်ယောက်ဆီက အတင်းအကြပ် ရယူထားရတဲ့ အချစ်မျိုးကို ငါ မလိုချင်တော့ဘူး။ ငါ့ကို မဆုံးရှုံးချင်လို့ ဟန်ဆောင်ထားတဲ့ ဂရုစိုက်မှုတွေထက် မချစ်တော့ဘူးဆိုတဲ့ ရိုးသားတဲ့စကားတစ်ခွန်းက ငါ့အတွက် ပိုပြီး လက်ခံနိုင်စရာကောင်းပါတယ်။ မင်းရဲ့အနားမှာ ရှိနေရပေမဲ့ မင်းရဲ့နှလုံးသားထဲမှာ နေရာမရှိတော့ဘူးဆိုရင် အဲဒီလို အနီးကပ်ဆုံး အဝေးကြီးမှာ ငါ ဆက်ပြီး မနေချင်တော့ဘူး။ မင်းအတွက် အရေးပါတဲ့သူတစ်ယောက်လို ဟန်ဆောင်ပြီး နေထိုင်ရတာထက် မင်းဘဝထဲက ဘယ်သူမှမဟုတ်တဲ့သူတစ်ယောက်အဖြစ် တိတ်တဆိတ် ထွက်သွားလိုက်ချင်တယ်။ ငါသိပါတယ်… လူတစ်ယောက်ရဲ့စိတ်ကို အတင်းအကြပ် ချည်နှောင်ထားလို့ မရဘူးဆိုတာ။ မချစ်တော့တဲ့သူကိုလည်း အရင်လို ပြန်ချစ်လာအောင် တောင်းပန်ပြီး တောင်းဆိုနေလို့ မရဘူးဆိုတာ။ ဒါကြောင့် မင်းရဲ့စိတ်ထဲမှာ ငါ့အတွက် အချစ်တွေ မကျန်တော့ဘူးဆိုရင် ရိုးရိုးသားသားသာ ပြောပြပေးပါ။ နာကျင်ရမှာကို ငါကြောက်တာမဟုတ်ဘူး။ မျှော်လင့်ချက်လေးတစ်ခုကို ဆုပ်ကိုင်ထားရင်း တစ်နေ့ပြီးတစ်နေ့ မင်းကို စောင့်မျှော်နေရတာကိုပဲ ငါ ပိုပြီး ကြောက်လာမိတာပါ။ မင်းရဲ့ စကားလေးတစ်ခွန်းကြောင့် ပြန်အဆင်ပြေတော့မယ်လို့ မျှော်လင့်မိလိုက်၊ မင်းရဲ့ ဂရုစိုက်မှုလေးတစ်ခုကြောင့် မင်းငါ့ကို ချစ်နေတုန်းပဲလို့ ထင်မိလိုက်နဲ့ ငါ့ရဲ့မျှော်လင့်ချက်တွေကို မင်းကိုယ်တိုင် ပြန်လည်အသက်သွင်းပေးနေသလို ဖြစ်နေခဲ့တယ်။ ဒါပေမဲ့ နောက်ဆုံးမှာတော့ အဲဒီမျှော်လင့်ချက်တွေကို ရှင်သန်စေခဲ့တဲ့သူက မင်းဖြစ်ပြီး အဲဒီမျှော်လင့်ချက်တွေကြောင့် အကြိမ်ကြိမ် နာကျင်နေရတဲ့သူက ငါဖြစ်နေခဲ့တယ်။ တကယ်လို့ မင်းမချစ်တော့ဘူးဆိုရင် ငါ့ကို သနားလို့ မထားပါနဲ့တော့။ အထီးကျန်မှာစိုးလို့လည်း မဆွဲထားပါနဲ့။ ငါမရှိတော့တဲ့အခါ မင်းအတွက် လစ်ဟာသွားမှာစိုးလို့ အနားမှာ ထားထားတာမျိုးလည်း မလုပ်ပါနဲ့တော့။ ငါဟာ မင်းသနားလို့ နေရာပေးထားရမယ့်သူ မဟုတ်ဘူး။ မင်းတကယ်ချစ်လို့ ရွေးချယ်ထားချင်တဲ့သူတစ်ယောက်ပဲ ဖြစ်ချင်ခဲ့တာပါ။** ဒီတစ်ခါတော့ မင်းရဲ့ရိုးသားမှုနဲ့ပဲ ငါ့ကို လွှတ်ပေးလိုက်ပါ။ ငါ့ရင်ထဲမှာ နာကျင်မှုတွေ ဘယ်လောက်ပဲ ရှိနေပါစေ အမှန်တရားကို လက်ခံပြီး မင်းမရှိတဲ့ဘဝမှာ နေတတ်အောင် ငါ့ဘာသာ ငါ ကြိုးစားသွားပါ့မယ်။ မချစ်တော့ရင် မချစ်တော့ဘူးလို့ ပြောပါ။ မရွေးချယ်ချင်တော့ရင် မရွေးချယ်ချင်တော့ဘူးလို့ ပြောပါ။ ငါ ဝမ်းနည်းပါလိမ့်မယ်၊ ငိုလည်း ငိုမိပါလိမ့်မယ်။ ဒါပေမဲ့ မင်းရဲ့အချစ်ကို မျှော်လင့်ရင်း ငါ့ကိုယ်ငါ တန်ဖိုးမဲ့သွားအောင်တော့ ဆက်ပြီး မနေချင်တော့ဘူး…။ #စာတို #fpyシ #foryoupage #မူရင်းကိုcrdပေးပါတယ်နော် #htetaung4018

🅗︎🅣︎🅔︎🅣︎ 🅐︎🅤︎🅝︎🅖︎

Open In TikTok:

Region: MY

Monday 19 October 2026 12:10:11 GMT