@qazaqstan.tv_: «Ештеңе етпес» деген немқұрайлықтың соңы өкінішке әкелуі мүмкін Түнде көлігімізді аулаға кіреберістегі шлагбаумның алдына қойып кетеміз. «Ештеңе етпес, таңертең бәрінен бұрын тұрып, алып кетемін» деп ойлаймыз. Ал түн ортасында өрт шығып немесе біреуге шұғыл медициналық көмек қажет болса ше? Биыл 12 сәуірде Астананың Түркістан көшесіндегі көпқабатты тұрғын үйлердің бірінде болған өрт салдарынан үш бала қаза тапқаны естеріңізде болар. Аулаға кіреберіске заңсыз қойылған көлік арнайы өрт сөндіру техникасының өтуіне кедергі келтірген. Соның салдарынан құтқарушылар 20 минут бойы тұрғын үйдің терезесіне жақындай алмаған. Бұл қайғылы оқиға қоғамда үлкен резонанс тудырды. Осыдан кейін төтенше жағдайларда әрекет етуге қатысты заңнамаға бірқатар өзгеріс енгізілді. «Қазақстан антологиясы» бағдарламасының толық нұсқасын «Qazaqstan TV» YouTube арнасынан көріңіз. #ЗаңменТәртіп
