@sarto8526: Tom and Jerry ထဲက မျက်နှာမပါတဲ့ လူမည်း အမျိုးသမီးကြီးကို မှတ်မိကြမှာပါ။ ကာတွန်းတွေထဲမှာ မျက်နှာကို မပြဘဲ ကိုယ်ခန္ဓာအောက်ပိုင်းနဲ့ ခြေထောက်ကိုပဲ ပြလေ့ရှိတဲ့ အိမ်အကူအမျိုးသမီးကြီးရဲ့ နာမည်က Mammy Two Shoes လို့ ခေါ်ပါတယ်။ သူဟာ အိမ်မှုကိစ္စတွေလုပ်ရင်း Tom ကို ဆူပူကြိမ်းမောင်းရတဲ့ အာဖရိကန်-အမေရိကန် လူမျိုး အိမ်အကူအမျိုးသမီးကြီးတစ်ဦး ဖြစ်ပါတယ်။ အသံသရုပ်ဆောင်ခဲ့တဲ့ လူမည်းအမျိုးသမီးကြီးကတော့ Lillian Randolph ဖြစ်ပါတယ်။ ကာတွန်း အပိုင်းအများစုမှာ သူ့ရဲ့ မျက်နှာကို ဘယ်တော့မှ မပြဘဲ ခါးအောက်ပိုင်း ခြေထောက်နဲ့ အဝတ်အစားတွေကိုပဲ ရိုက်ကူးပြလေ့ရှိပေမယ့် Saturday Evening Puss (၁၉၅၀) အပိုင်းမှာတော့ သူရဲ့ မျက်နှာကို ခဏ စက္ကန့်ပိုင်းလောက်ပြဖူးတာရှိပါတယ်။ Tom နဲ့ သူ့သူငယ်ချင်းတွေ အိမ်မှာ ဘယ်သူမှမရှိတုန်း သောင်းကျန်းကြတဲ့ အပိုင်းပါ။ ဒီဇာတ်ကောင်ကို ဖန်တီးခဲ့တဲ့ပုံစံဟာ လူမျိုးရေးခွဲခြားတဲ့ ပုံစံခွက် Mammy Stereotype ကို ကိုယ်စားပြုတယ်ဆိုပြီး နောက်ပိုင်းမှာ ဝေဖန်မှုတွေ ရှိခဲ့တဲ့အတွက် အချို့ ဗားရှင်းတွေမှာ သူမရဲ့ အသံတွေကို ပြန်လည်ပြင်ဆင်တာမျိုး နောက်ပိုင်း ထွက်လာတဲ့ Tom and Jerry ဇာတ်လမ်းတွဲတွေမှာ တခြားအိမ်ရှင်အမျိုးသမီးပုံစံတွေနဲ့ အစားထိုး ပြောင်းလဲခဲ့ကြပါတယ်။ Lillian Randolph ကတော့ သူဟာ ဒီဇာတ်ကောင်နေရာမှာ အသံသွင်းရတာကို အလွန်နှစ်သက်ပြီး အားရပါးရ သရုပ်ဆောင်ခဲ့တာ ဖြစ်ပါတယ်။ ဒါ့အပြင် ဒီဇာတ်ကောင်ဟာ အိမ်ဖော်တစ်ယောက် ဖြစ်နေပေမယ့်လည်း အိမ်တစ်အိမ်လုံးကို အုပ်ချုပ်ပြီး Tom လို သောင်းကျန်းသူကို ကြောက်ဒူးတုန်အောင် လုပ်နိုင်တဲ့ ဩဇာအာဏာရှိတဲ့ ဇာတ်ကောင် ဖြစ်လို့ ဂုဏ်ယူခဲ့ပါတယ်။ လူမည်းအခွင့်အရေး လှုပ်ရှားသူတွေနဲ့ NAACP အဖွဲ့က သူ့ကို လူမည်းတွေအပေါ် ပုံစံခွက်ထဲရိုက်သွင်းထားတဲ့ အိမ်ဖော်ဇာတ်ရုပ်တွေမှာပဲ ဆက်တိုက်သရုပ်ဆောင်နေတယ်လို့ ဝေဖန်ကန့်ကွက်ခဲ့ကြပါတယ်။ ဒါကို Lillian က "တကယ့်ပြင်ပကမ္ဘာမှာလည်း ဒီလိုပုံစံနဲ့ နေထိုင်အလုပ်လုပ်နေကြတဲ့ လူမည်းအမျိုးသမီးတွေ အများကြီးရှိတာမို့ ဒါဟာ လက်ရှိလူမှုပတ်ဝန်းကျင်ကို အရှိကိုအရှိအတိုင်း ပုံဖော်တာပဲဖြစ်တယ်" လို့ တုံ့ပြန်ခဲ့ဖူးပါတယ်။ အဲဒီခေတ်ကာလ (၁၉၄၀-၁၉၅၀) က အမေရိကန်ဖျော်ဖြေရေးလောကမှာ လူမည်းသရုပ်ဆောင်တွေအတွက် နေရာသိပ်မရှိခဲ့ပါဘူး။ ဒါကြောင့် Lillian က ဒီလိုဇာတ်ကောင်တွေကို သရုပ်ဆောင်ခွင့်ရခြင်းဟာ သူ့လို လူမည်းအနုပညာရှင်တွေအတွက် ဝင်ငွေနဲ့ အလုပ်အကိုင် အခွင့်အလမ်းကို ဖန်တီးပေးနိုင်တယ်လို့ အခိုင်အမာ ယုံကြည်ခဲ့သူပါ။ Lilian Randolph ဟာ ကျွန်တော်တို့ ငယ်ဘဝကို ပျော်စေခဲ့တဲ့သူတွေထဲက တစ်ယောက်ဆိုတာကတော့ ငြင်းလို့မရပါဘူး။ #tomandjerry #character #voiceover#fypage#100kviews

ဗီလိန်

Open In TikTok:

Region: MM

Monday 19 October 2026 16:28:48 GMT