@fury_605: انا مش بحبك وبس، أنا بقيت بحس إنك حتة من قلبي وإن وجودك في حياتي من أحلى الحاجات اللي ربنا رزقني بيها، إنتي مش مجرد شخص بحبه، إنتي راحتي وسط تعب الدنيا، وضحكتي وسط زعلي، والأمان اللي بحس بيه مهما كانت الدنيا صعبة عليا، معاكي بقيت فاهم إن الحب مش مجرد كلام حلو بيتقال، الحب إنك تلاقي حد يخاف على زعلك، يفرح لفرحتك، يسمعك وإنتي بتتكلمي حتى لو الكلام ملوش آخر، ويحس بيكي من غير ما تحتاجي تشرحي اللي جواكي 🥹❤️ إنتي بالنسبالي مش شبه أي حد، إنتي ليكي مكانة جوايا محدش يقدر ياخدها، وليكي معزة عمري ما هعرف أوصفها مهما اتكلمت، ساعات ببقى نفسي أحكيلك قد إيه وجودك فارق معايا، وقد إيه مجرد رسالة منك بتقدر تغير يومي كله، وقد إيه صوتك بيطمن قلبي وبيخليني أحس إن كل حاجة هتبقى بخير طول ما إنتي موجودة في حياتي 🫂💕 أنا بدعي ربنا في كل وقت إنه يحفظك ليا، ويبعد عن قلبك كل وجع وكل حزن، ويعوضك عن أي يوم صعب عيشتيه بأيام كلها فرحة وراحة بال، ويحققلك كل حاجة نفسك فيها، وأفضل دايماً جنبك في فرحتك قبل حزنك، وفي قوتك قبل ضعفك، وأكون الشخص اللي تقدري تلجأي له وإنتي مطمنة من غير خوف ولا تفكير، نفسي أكون ليكي السند اللي ميميلش، والضهر اللي متخافيش وإنتي مستندة عليه، والقلب اللي عمره ما يزهق منك ولا من كلامك ولا من تفاصيلك الصغيرة 🥹👸🏻❤️ يمكن أنا مش بعرف أعبر عن كل اللي جوايا بالطريقة اللي تليق بيكي، ويمكن كلامي مهما كان كتير مش هيقدر يوصف مكانتك عندي، بس والله إنتي غالية عندي بطريقة أكبر من أي كلام، وأنا مش عايز من الدنيا غير إني أشوفك مبسوطة، وأكون سبب في ضحكتك، وأفضل الشخص اللي قلبك يرتاح معاه، واللي مهما حصل بينكم وبين الدنيا تلاقيه واقف في ضهرك ومتمسك بيكي ❤️🩹💗* *نفسي نفضل مع بعض مهما الأيام اتغيرت، ومهما الظروف بقت صعبة، ومهما الدنيا حاولت تبعدنا عن بعض، نفضل نختار بعض كل يوم، ونفهم بعض وقت الزعل، ونطبطب على بعض وقت التعب، ونفتكر دايماً إننا مش ضد بعض، إحنا مع بعض ضد أي حاجة ممكن تضايقنا، نفسي نكبر وإحنا لسه بنفرح برسالة من بعض، ولسه بنحس بنفس اللهفة، ولسه وجودنا في حياة بعض أجمل حاجة حصلت لينا 🫶🏻💞* *ربنا يعلم إنتي بالنسبالي إيه، ويعلم إني بتمنى ليكي الخير من كل قلبي، وإن فرحتك عندي بالدنيا كلها، ربنا ما يحرمنيش منك ولا من ضحكتك ولا من وجودك اللي بيهون عليا حاجات كتير، ويجمعنا دايماً على الخير والمحبة، ويخليكي ليا نعمة أحمد ربنا عليها كل يوم، لأنك ببساطة مش أي حد في حياتي، إنتي الشخص اللي قلبي اختاره وارتاحله، واللي كل ما الأيام بتعدي بتأكدلي إني محظوظ إنك في حياتي، بحبك حب أكبر من الكلام، وأعمق من الوصف، حب مليان خوف عليكي واهتمام بيكي وأمنيات حلوة ليكي، بحبك يا روح قلبي ونور عيني وأجمل نصيب أتمنى ربنا يكتبهولي، ويا رب أفضل أشوفك مبسوطة وأفضل أنا الشخص اللي بيخلي قلبك يبتسم، بحبك يا كل دنيتي 🥹💕💕💕💕🫂👸🏻❤️🩹💍
