@uzin.myo3: 'သီတင်းကျွတ်လပြည့်နေ့နှင့် ပဝါရဏာ' ဗုဒ္ဓမြတ်စွာရဲ့ဒေသနာတော်တွေထဲက သံယုတ်ပါဠိတော်ထဲမှာ 'ဝင်္ဂီသသံယုတ်' ဆိုတာ ရှိတယ်။ အခုလို သီတင်းကျွတ်လ ပြည့်နေ့ပဲ။ မြတ်စွာဘုရားကိုယ်တော်တိုင် က တပည့်တွေကို ပွင့်လင်းစွာ 'သူ့မှာအပြစ် ရှိရင် ပြောကြ'လို့ဆိုပြီး ဖိတ်ခေါ်ခဲ့ကြောင်း ပါရှိတယ်။ မြတ်စွာဘုရားက သာဝတ္ထိပြည်၊ ပုဗ္ဗာရုံ ကျောင်းတော် မိဂါရမာတာရဲ့ ပြာသာဒ် ဆောင်မှာ သီတင်းသုံးနေတယ်။ အခုလို သီတင်းကျွတ်လပြည့်နေ့ကြီးမှာ မြတ်စွာ ဘုရားဟာ မိဂါရမာတုပါသာဒမှ အောက် ဆင်းပြီး ကျယ်ဝန်းတဲ့ လွင်ပြင်ကြီးမှာ ထိုင်တယ်။ ရဟန်းသံဃာ(၅၀၀)ကလည်း မြတ်စွာဘုရားကို ခြံရံပြီးတော့ ဘုရားအနီးမှာ ထိုင်နေကြတယ်။ အဲဒီအချိန်ဟာ အခုလို သီတင်းကျွတ်လ ပြည့်နေ့ရဲ့ အချိန်လေးတစ်ခုပဲ ဖြစ်တယ်။ အဲဒီလို ထိုင်နေတဲ့အခါ မြတ်စွာဘုရားသခင် ကိုယ်တော်မြတ်က သံဃာ့ပရိသတ်ကို မိန့်ကြားတော်မူတယ်။ "ဟန္ဒဒါနိ ဘိက္ခဝေ ပဝါရေမိဝေါ" "ရဟန်းတို့ - အခု သင်တို့ကို ငါ ဖိတ်ကြား ပါတယ်" "န စ မကေိဉစြိ ဂရဟထ ကာယိကံ ဝါ ဝါစသိကံဝါ" "ငါ့မှာ ကာယကံမှု ဝစီကံမှုများ ပြစ်တင် စရာများ ရှိကြသလား။( ပြစ်တင်စရာ မရှိ ဘူးလား၊ ပြစ်တင်စရာရှိရင် ပြောကြပါ"လို့ ဆိုတဲ့ အဓိပ္ပါယ်) "ကာယကံမှု၊ ဝစီကံမှုနဲ့ ပတ်သက်ပြီးတော့ ပြစ်တင်စရာများ ရှိလို့ ရှိရင် ပြောနိုင်တယ်"လို့ မြတ်စွာဘုရားက ဖိတ်ကြားတာ၊ ဒါ ဘုရား ပဝါရဏာပြုတာ ပဲပေါ့။ "ငါကသာ သတိပေးရမယ်။ ငါ့တပည့် တွေက ငါ့ကို သတိပေးစရာမလိုဘူး"လို့ ဒီလို 'မြတ်စွာဘုရားရဲ့ စိတ်ဓာတ်ထဲမှာ မရှိဘူး'ဆိုတာ အင်မတန်မှ ထင်ရှားတယ်။ သို့သော် 'မြတ်စွာဘုရားရဲ့ အပြစ်ကို ထောက်ပြနိူင်တဲ့ပုဂ္ဂိုလ် ရှိလား'ဆိုတော့ မရှိဘူး။ ဘာလို့မရှိတုန်း အပြစ်မှ မရှိတာ။ အပြစ်ရှိလို့ ပြောခိုင်းတာ မဟုတ်ဘူး။ 'ဒိဋ္ဌာနုဂတိ'လို့ ခေါ်တဲ့ 'ကောင်းတဲ့ အစဉ် အလာတွေကို လိုက်နာကျင့်သုံးပါစေ'ဆိုတဲ့ ရည်ရွယ်ချက်နဲ့ ဆောင်ရွက်တာ ဖြစ်တယ်။ စိတ်ဓာတ်ရေးဟာ အင်မတန်မှ ကွာခြား တယ်။ ယနေ့ခေတ်မှာ လူကြီးဖြစ်သွားပြီဆို ရင် "ငါ့ကို လာမ‌ပြောနဲ့၊ ငါပြောတာပဲလုပ်" ဆိုတဲ့ အဆင့်မျိုးကို ရောက်ကြတယ်။ သူက အပြောခံတာ မဟုတ်တော့ဘူး။ သူပြောတာပဲ လိုက်နာ။ အဲဒီလို အဓိပ္ပါယ်မျိုးရောက်တယ်။ မြတ်စွာဘုရားက ကိုယ်မှု နှုတ်မှုနဲ့ ပတ်သက်ပြီး "ငါ့မှာ ကဲ့ရဲ့စရာတွေများ ရှိသလား, ရှိရင်ပြောကြ" လို့ ဆိုတဲ့ အဓိပ္ပါယ်ပဲ။ အဲဒီလို မြတ်စွာဘုရား ကိုယ်တိုင်က သံဃာ (၅၀၀)ကြားမှာ ပွင့်ပွင့်လင်းလင်း အခုလိုဖိတ်ကြားတယ်။ တကယ်တော့ မြတ်စွာဘုရားမှာ ကိုယ်မှုကလည်း အင်မတန်မှ စင်ကြယ်တယ်။ နှုတ်မှုကလည်း အင်မတန်မှ စင်ကြယ်တယ်။ စိတ်ကြံစည်တွေးတောမှုကလည်း အလွန်သန့်ရှင်းစင်ကြယ်တယ်၊ အပြစ်မရှိဘူး။ ဘဝမှာ ခန္ဓာကိုယ်ရထားလို့ရှိရင် အဲဒီ ခန္ဓာကိုယ် အသက်ရှည်ဖို့အတွက် အသက်မွေးဝမ်းကျောင်းမှုနဲ့ ပတ်သက် ပြီးတော့လည်းပဲ မြတ်စွာဘုရားမှာ 'ပရိသုဒ္ဓါဇီဝ' လုံးဝ စင်ကြယ်တဲ့ အသက်မွေးမှုရှိတယ်။ အဲဒါတွေနဲ့ ပတ်သက်ပြီးတော့ မြတ်စွာဘုရားက ဘယ်သူ့ဆီကမှ ထောက်ခံချက် ယူစရာမလိုဘူး။ ကာယကံနဲ့ ပတ်သက်ပြီးတော့လည်း အပြစ်တစ်စုံတစ်ရာ မရှိဘူး။ ဝစီကံ နှုတ်အပြောနဲ့ပတ်သက်၍လည်း အပြစ်တစ်စုံတစ်ရာ မရှိဘူး။ ကာယကံ ဝစီကံမရှိဘူးဆိုတာတင် မကဘူး။ စိတ်ထဲက ကြံတွေးမှုနဲ့ ပတ်သက်၍လည်း အပြစ်တစ်စုံတစ်ရာ မရှိဘူး။ အဲဒါတွေနဲ့ပတ်သက်ပြီး မြတ်စွာဘုရားက သူများဆီမှ ထောက်ခံမှုကို လိုအပ်တာ မဟုတ်ပါဘူး။ သို့သော် အစဉ်အလာကောင်းတစ်ခုကို လိုက်နာကျင့်သုံးစေဖို့အတွက် ဘုရားကိုယ် တိုင် စံပြအနေနဲ့ "ငါ့မှာ ကိုယ်မှု နှုတ်မှုနဲ့ ပတ်သက်ပြီး အပြစ်တင်စရာများရှိရင် ပြောကြ" လို့ ဒီလို ရဟန်းတွေရဲ့ကြားမှာ ပဝါရဏာပြုတဲ့အနေနဲ့ ဖိတ်ကြားခဲ့တယ်။ ဒါက 'အင်မတန်မှ ရဲရင့်တဲ့ စကား'လို့ ဒီလို ပြောရမယ်။ တစ်ခြားဘာသာရေး ခေါင်းဆောင်တွေ ဒီလို မလုပ်ရဲဘူး။ ဒီလိုလုပ်တာနဲ့ ပရိသတ်ထဲက ဟိုက လက်ညိုးထထိုး၊ ဒီက လက်ညိုးထထိုးတွေ ဖြစ်နေမှာပဲ။ မြတ်စွာဘုရားနဲ့ ခေတ်ပြိုင် ဘာသာရေး ဆရာကြီးတွေ (၆)ဦးတောင် ရှိတယ်။ အဲဒီ (၆)ဦးလုံးဟာ သူ့လူတွေ သူ့တပည့်တွေကို သူတို့ မနိူင်ကြဘူး။ သူ့တပည့်တွေကလည်း သူတို့ကို ကျေနပ်ကြတာ မဟုတ်ဘူး။ ကျေးဇူးတော်ရှင် ပါမောက္ခချုပ်ဆရာတော် ဘုရားကြီး၏ မြတ်ဗုဒ္ဓသာသနာနှင့် သီတင်း ကျွတ်လပြည့်နေ့ အမှတ်တရများ တရား တော်မှ ကောက်နုတ်ချက် ဖြစ်ပါသည်။ Credit (20. 10. 2021) ဝိစာရ (ကွေ့မ) ဒက္ခိဏာရာမကျောင်းတိုက်

Uzin Myo

Open In TikTok:

Region: MM

Tuesday 20 October 2026 01:13:37 GMT