@bolgan_oqigalar: Ғалым арақ таппай қалған кездері үй ішін астан-кестең етіп жіберетін. Оның әрбір айқайы ескі үйдің қабырғасын жаңғыртып, балалардың зәресін ұшыратын. Бес бала бір-бірін құшақтап, анасы мен әкесінің ұрысын естімеу үшін бір бөлмеге тығылып, құлақтарын қолдарымен бекітіп отыратын. Бірақ қабырғаның ар жағындағы айқай бәрібір естілетін. Олар үнсіз жылап, таңның атқанын күтетін. Бірде таң ата үйге келген Ғалым әйелін бүйірінен теуіп оятып, тағы да қырғын шығарды. — Бар, арақ тауып кел! — деп ақырды ол. Таңғы сағат төрт еді. Дүкендердің бәрі жабық. «Дүкен жабық», «Қазір ешкім қарызға бермейді» деген сөздердің бірін де Ғалым тыңдағысы келмеді. Оның көзіне ештеңе көрінбейтіндей еді. Бір кезде ол қолына пышақ алды. — Арақсыз үйге қайтып келсең, өлтіремін! — деп Жазираны үйден қуып шықты. Жазираның бойын үрей биледі. Не істерін білмей, қараңғы көшеге шықты. Артында бес баласы қалды. Балаларының тағдыры ойына түскен сайын жүрегі шымырлап, қорқынышы күшейе түсті. Көшеде тым-тырыс. Таңғы салқын сүйектен өтіп барады. Ал уақыт болса жүрмей қойғандай. Жазира дүкеннің ашылғанын күтіп, үнсіз отырды. Сағат сегізге дейінгі әрбір минут оған бір сағаттай көрінді. Ақыры дүкен ашылды. Жазира ішке кіріп, дүкеншіге жалынды. — Аға, өтінемін… Бір бөтелке ғана беріңізші. Қарызға беріңіз. Үйде балаларым бар… Дүкенші бастапқыда: — Қарызға бермеймін, — деп табан тіреп тұрып алды. Бірақ Жазираның жалынышты түрін көріп, оның жағдайын түсінгендей болып, ақыры бір бөтелке арақты қарызға берді. Жазира бөтелкені қолына қыса ұстап, үйіне қарай жүгіре басып кетті. Оның ойында бір ғана нәрсе болды: балаларын әкесінің ашуынан аман алып қалу. Ол өз өмірінің қандай тұйыққа тірелгенін сол сәтте анық сезінді. Бірақ бес баласы үшін Жазира әлі де бәріне шыдап келе жатты. Жалғасы қызық болса лайк баса оьырыңыз.

ӘСЕРЛІ ӘҢГІМЕЛЕР

Open In TikTok:

Region: KZ

Tuesday 20 October 2026 08:55:14 GMT