@qlobalnet: Azərbaycanda, xüsusilə Bakı və Abşeronda çıxarışı olmayan yüzminlərlə fərdi yaşayış evinin olduğu bildirilir. Qlobalnet.com Qafqazinfo-ya istinala xəbər verir ki, Mülki Məcəlləyə əsasən, tikinti üçün ayrılmayan torpaqda və ya lazımi icazələr olmadan inşa edilən evlər özbaşına tikinti hesab olunur. Belə tikililərə mülkiyyət hüququ, bir qayda olaraq, tanınmır, lakin müəyyən hallarda məhkəmə tərəfindən tanına bilər. Mülki Məcəllənin 178.6-cı maddəsinə görə, dövlət reyestrində qeydiyyata alınmamış daşınmaz əmlaka 30 il ərzində fasiləsiz və etirazsız sahiblik edən şəxs mülkiyyətçi kimi qeydə alınmasını tələb edə bilər. Lakin praktikada bu müddətin hesablanması ilə bağlı fərqli yanaşmalar mövcuddur. Bəzi hallarda 30 illik müddətin Mülki Məcəllənin qüvvəyə mindiyi 1 sentyabr 2000-ci ildən hesablanması yanaşması tətbiq edilir. Bu yanaşmaya əsasən, həmin qaydadan yararlanmaq istəyən şəxslər üçün 2030-cu ildən sonra müraciət imkanının yaranacağı ehtimal edilir. Qanunvericilikdə 30 illik müddətin yalnız 2000-ci ildən sonrakı dövrə aid edilməsinə dair konkret məhdudiyyət nəzərdə tutulmayıb. Konstitusiyanın 149-cu maddəsinin VII hissəsinə əsasən, şəxslərin hüquqi vəziyyətini yaxşılaşdıran normativ hüquqi aktların geriyə qüvvəsi ola bilər. Beləliklə, dövlət reyestrində qeydiyyata alınmamış evlərə 30 il fasiləsiz və etirazsız sahiblik edən şəxslərin mülkiyyətçi kimi qeydiyyat tələb etmək hüququ məsələsi qanunvericiliyin tətbiqi və konkret halların qiymətləndirilməsindən asılıdır.

758

2026-10-20 09:41:37

To see more videos from user @qlobalnet, please go to the Tikwm homepage.