فالحقيقي العلاقات أساسها التفاهم .. الإهتمام.. الثقة .. الشراكة .. والأمان .. وبعدها الحب بجي براهو بدون أي مجهود ! لو إتفقدت أي حاجة من الحاجات الفوق دي يبقى العلاقة حتبقى هشة وقابلة للإنكسار والسقوط في أي لحظة. بالنسبة لي التفاهم دا أهم حاجة ! أهم من الحب ذاته .. طول عمري كنت بخاف إنه الدنيا ترميني في شريك قاسي .. صعب .. ما بيتفاهم وما بيعرف يتناقش ! يقفلني ساعات الخصام ويحاول يمشي رأيه علي بدون ما يسمعني حتى ! كنت بحاول أفهم إنه كيف الواحد يلقى شريك يقدر يفهمه ويبقى قادر يتفاهم معاهو بدون خوف ..بدون توتر .. بدون ما يكون شايل هم إنه ممكن يتفهم غلط ؟! وإنه كيف يقدر يوصل ليهو فهمه ويقول كل حاجة حاسي بيها بكل الشجاعة الفي الدنيا ويحاولوا مع بعض في حل المشكلة اللي بتبقى بينهم ! إتضح لي إنه الشخص البيعرف يتفاهم دا إنسان شاري و متمسك ! كونه الواحد يلقى زول قادر يتفاهم معاه .. يتقبل رأيه .. ويحترم وجهة نظرو دي في حد ذاتها حاجات قادرة توضح إنه الزول القدامك دا بهمو أمرك وعايزك معاه ولو ما كدا ما كان حيبقى عنده إستعداد ولو بنسبة 1% إنه يتناقش معاك ! كتار اللي لقوا ناس حبوهم بس قُلال شديد اللي لقوا ناس يفهموم !)) طول ما نحن قررنا نكون مع بعض دا بيفرض علينا حاجات كتيرة ! تفهمني وأفهمك .. تسمعني وأسمعك .. تخالفني في الرأي مرة وأخالفك في المرة البعديها .. والحب البينا يفضل زي ماهو ولا ينقص درجة. !)) #على_عتبة_النهاية يا بخت أي زول بيلقى إنسان بيفهمو ويكون بيفكر بنفس طريقة تفكيرو !)) حسسني إنك مُهتم وشاركني الحَديث مَرة ! حتلقاني بختار أكلمك دايماً. أكسب خاطري وأفهمني مَرة = حتلقاني كاسباك العمر كله - @adamelyass