مجھے ایسا ہمسفر چاہیے یا اللّٰہ جس کی محبت کا سب سے حسین ثبوت اُس کا مجھے تیرے قریب لے جانا ہو، جو میری پیشانی پر سجدوں کا نور اور میری روح میں ایمان کی روشنی دیکھنا چاہے۔ جو فجر کی خاموش صبح میں مجھے محبت سے جگا کر کہے، ”اُٹھیے! ہمارے رب نے ہمیں ایک اور صبح دی ہے، آئیے مل کر اُس کا شکر ادا کریں۔“ مجھے وہ شخص چاہیے جس کی نگاہ میں محبت ہو، لہجے میں نرمی، کردار میں پاکیزگی اور دل میں اللّٰہ کا خوف ہو؛ جو میری مسکراہٹ کی وجہ بھی بنے اور میری دعاؤں کا سب سے خوبصورت جواب بھی۔ جس کے ساتھ محبت صرف لفظوں میں نہ ہو، بلکہ ہر اُس عمل میں نظر آئے جو ہمیں اللّٰہ کی رضا کے قریب لے جائے۔ یا رب! میرے نصیب میں ایسا شخص لکھنا جو مجھے دنیا کی بھیڑ میں ملے تو میرا سکون بن جائے، اور جب آخرت کی فکر ستائے تو میرا سب سے مخلص ساتھی بن کر میرا ہاتھ تھام لے۔ مجھے ایسا ہمسفر عطا کرنا، یا اللّٰہ جس کے ساتھ نکاح میری محبت کی تکمیل ہی نہیں، میرے ایمان کی خوبصورتی بھی بن جائے؛ جس کے ساتھ دنیا میں سکون، عبادت میں رفاقت اور آخرت میں تیری رحمت کی امید نصیب ہو۔ آمین یا رب العالمین۔ 🥀🌸ہیر #fyp #fypシ #fypシ゚viral #foryou #unfrezzmyaccount - @heer_writes_01