@youaermyeveryday0: #အမျိုးသမီးတွေ ဆံပင်ညှပ်ရင် ဂျန္နသ်ရဲ့အနံ့တောင် မရတော့ဘူးဆိုတာ ဟဒီးစ်အမှန်ပဲလား ဖြေ- အမျိုးသမီးတွေ ဆံပင်ညှပ်တာနဲ့ပတ်သက်ပြီး ကျွန်တော်တို့ လူ့အဖွဲ့အစည်းမှာ ပြောဆိုနေကြတဲ့ စကားတစ်ခွန်းရှိပါတယ်။“မိန်းမတစ်ယောက် ဆံပင်ပေါ် ကတ်ကြေးတင်လိုက်ရင် ဂျန္နသ်ရဲ့အနံ့တောင် ရတော့မှာမဟုတ်ဘူး” ဆိုတာပါပဲ။တကယ်တော့ ဒီစကားကို တမန်တော်မြတ် ﷺ မိန့်ကြားခဲ့ကြောင်း အတည်ပြုနိုင်တဲ့ ဟဒီးစ်တစ်ပုဒ်မှ မတွေ့ရပါဘူး ဒေယူဗာန်ဒ်ပညာရှင်တွေကလည်း အဲ့လိုဟဒီးစ်မျိုး သူတို့မသိရှိထားကြောင်းဖြေဆိုထားပါတယ်။(ပုံ_၁) တမန်တော်မြတ် ﷺ မိန့်ကြားခဲ့တယ်ဆိုပြီး ပြောမယ်ဆိုရင် ဟဒီးစ်မူရင်းနဲ့ အထောက်အထားရှိဖို့ လိုပါတယ်။ လူကြီးတွေ ပြောခဲ့ဖူးတာ၊ ဆရာတစ်ပါးပါးဆီက ကြားခဲ့ဖူးတာနဲ့တင် ဟဒီးစ်ဖြစ်မသွားပါဘူး။ဒါဆို အစ္စလာမ်မှာ အမျိုးသမီးတွေ ဆံပင်ညှပ်ခွင့်ရှိသလား။❓❓❓❓ ဒီမေးခွန်းအတွက် စွဟီးဟ်မုစ်လင်မ်မှာ ဖော်ပြထားတဲ့ ဟဒီးစ်တစ်ပုဒ်ကို အရင်ကြည့်ကြရအောင်ပါ وَكَانَ أَزْوَاجُ النَّبِيِّ ﷺ يَأْخُذْنَ مِنْ رُءُوسِهِنَّ حَتَّى تَكُونَ كَالْوَفْرَةِ. “တမန်တော်မြတ် ﷺ ၏ ဇနီးတော်များသည် မိမိတို့၏ ဆံပင်များကို ဝဖ်ရဟ် (الوفرة) အတိုင်းအတာအထိ တိုအောင်ညှပ်လေ့ရှိကြသည်။” ဝဖ်ရဟ်ဆိုတာ နားအထိညှပ်တာကိုဆိုလိုတယ်လို့ ပညာရှင်အချို့ကဖွင့်ဆိုကြပါတယ်။ (စွဟီးဟ်မုစ်လင်မ်၊ ဟဒီးစ်နံပါတ် ၃၂၀) ဒီဟဒီးစ်မှာ သတိပြုစရာက တမန်တော်မြတ် ﷺ ရဲ့ ဇနီးတော်တွေကိုယ်တိုင် ဆံပင်တိုအောင်ညှပ်ခဲ့ကြောင်း ဖော်ပြထားခြင်းပါပဲ။မိခင်မွန်ကြီးတွေဟာ တမန်တော်ဝဖွာသ်ဖြစ်ပြီးနောက် အလှအပကို စွန့်ရန်အတွက် ထိုသို့ညှပ်ခဲ့ကြတယ်လို့ အိမာမ်နဝဝီနှင့် ကာဇွီအိယာဒ်ွ(ရဟ)တို့က ရှင်းလင်းထားကြပါတယ်။အကယ်၍ အမျိုးသမီးတစ်ဦးကသာ ဆံပင် ညှပ်ရင်ဖြင့် အပြစ်ထိုက်မယ်။လအ်နသ်သင့်မယ်။ ဂျန္နသ်အနံ့တောင်မရဘူးဆိုရင် မိခင်မွန်ကြီးတွေဟာ တမန်တော်မြတ်ﷺ ထံကနေ တားမြစ်ချက်ကိုမုချ သိထားကြမှာဖြစ်တယ်။ တားမြစ်ခဲ့ခြင်းမရှိတဲ့အတွ က်သာ မိခင်မွန်ကြီးတွေဟာ ညှပ်ခဲ့ကြတာဖြစ်တယ်။ ဒါကြောင့် အမျိုးသမီးတစ်ယောက် ဆံပင်ညှပ်လိုက်တာနဲ့ အပြစ်ရှိသွားတယ်၊ ဂျန္နသ်မရတော့ဘူးဆိုတဲ့ စကားမျိုးဟာ ဒီဟဒီးစ်နဲ့လည်း မကိုက်ညီပါဘူး။အိမာမ်နဝဝီ رحمه الله ကလည်း ဒီဟဒီးစ်ကို ရှင်းပြရာမှာ 👇 وَفِيهِ دَلِيلٌ عَلَى جَوَازِ تَخْفِيفِ الشُّعُورِ لِلنِّسَاءِ. “ဤဟဒီးစ်တွင် အမျိုးသမီးများ ဆံပင်တိုအောင်ညှပ်ခြင်း ခွင့်ပြုကြောင်း အထောက်အထားရှိသည်” လို့ ရှင်းပြထားပါတယ်။ (ရှရ်ဟ်စွဟီးဟ်မုစ်လင်မ်၊ ၄/၅) ဒါပေမဲ့ ဆံပင်ညှပ်ခွင့်ရှိတယ်ဆိုတာ ဘယ်လိုပုံစံမဆို ညှပ်နိုင်တယ်လို့ ဆိုလိုတာမဟုတ်ပါဘူး။ အစ္စလာမ်မှာ ဆံပင်ညှပ်ခြင်းနဲ့ ဆံပင်ညှပ်တဲ့ပုံစံကြောင့် တားမြစ်ချက်တစ်ခုခု ကျူးလွန်မိတာဟာ မတူညီပါဘူး။ဥပမာ 👇 ၁။ အမျိုးသားတစ်ယောက်လို တုပပြီး ဆံပင်မညှပ်ရပါဘူး။တမန်တော်မြတ် ﷺ က အမျိုးသားတွေကို တုပတဲ့ အမျိုးသမီးတွေနဲ့ အမျိုးသမီးတွေကို တုပတဲ့ အမျိုးသားတွေကို ကျိန်စာပို့ထားပါတယ်။ (စွဟီးဟ်ဗုခါရီ၊ ဟဒီးစ်နံပါတ် ၅၈၈၅) ဒါကြောင့် အမျိုးသားပုံစံအတိုင်း တုပပြီး ဆံပင်ညှပ်တာကို တားမြစ်ပါတယ်။ ဒါပေမဲ့ ဆံပင်တိုတဲ့ အမျိုးသမီးတိုင်းကို အမျိုးသားတုပသူလို့ သတ်မှတ်လို့ မရပါဘူး။ အမျိုးသားတွေကို တုပတဲ့ပုံစံ ဟုတ်၊ မဟုတ်ကို ကြည့်ရမှာဖြစ်ပါတယ် ၂။ ဘာသာရေးအမှတ်အသား သို့မဟုတ် မကောင်းတဲ့ မိန်းမတွေရဲ့ သီးသန့်အမှတ်အသားဖြစ်တဲ့ ဆံပင်ပုံစံမျိုးကို တမင်တုပပြီး မညှပ်ရပါဘူး။ ဒါက မွတ်စ်လင်မ်မဟုတ်တဲ့ မိန်းမတစ်ဦး အသုံးပြုတဲ့ ဆံပင်ပုံစံဖြစ်နေရုံနဲ့ အလိုအလျောက် ဟရာမ်ဖြစ်သွားတာကို ဆိုလိုခြင်း မဟုတ်ပါဘူး ၃။ ဆံပင်တုံးတိရိတ်ခြင်းနဲ့ ဆံပင်တိုအောင်ညှပ်ခြင်းကို မရောထွေးသင့်ပါဘူး။ ဆံပင်တုံးတိရိတ်ခြင်း(ကတုံးရိတ်ခြင်း)နဲ့ပတ်သက်ပြီး တားမြစ်ချက်ပါဝင်တဲ့ ရိဝါယသ်တွေ ရှိပါတယ်။ အဲဒီရိဝါယသ်တွေရဲ့ ခိုင်မာမှုနဲ့ပတ်သက်ပြီး ဟဒီးစ်ပညာရှင်တွေအကြား ဆွေးနွေးချက်တွေ ရှိပါတယ်။ ဒါပေမဲ့ ဆံပင်တုံးတိရိတ်ခြင်း (الحلق) ဟာ ဆံပင်တိုအောင်ညှပ်ခြင်း (القص) နဲ့ မတူပါဘူး။ အလားတူ ဆံပင်ညှပ်တဲ့အခါ မိမိရဲ့ ဖုံးအုပ်ထားရမည့်အစိတ်အပိုင်းကို သူစိမ်းအမျိုးသားတွေရှေ့မှာ ဖော်ပြခြင်းမျိုးလည်း မဖြစ်ရပါဘူး။ယနေ့ခေတ် မွတ်စ်လင်မ်အမျိုးသမီးအချို့ ဟာ အမျိုးသားဆံ ပင်ညှပ်ဆရာဆိုသူတွေမှာ ညှပ်နေကြတာက လုံးဝ ဟရာမ်ပါ။ ဒီနေရာမှာ နောက်ထပ် သတိပြုစရာတစ်ခုရှိပါတယ်။ဟနဖီအပါအဝင် ဖိက်ဟ်ပညာရှင်အချို့ဟာ အမျိုးသမီးတွေ ဆံပင်တိုအောင်ညှပ်ခြင်းနဲ့ပတ်သက်ပြီး တင်းကျပ်တဲ့ သဘောထားတွေ ရှိကြပါတယ်။ အချို့က တားမြစ်ထားသလို အချို့ကလည်း သတ်မှတ်ချက်တွေနဲ့ ခွင့်ပြုထားကြပါတယ်။ ဒါဟာ ဖိက်ဟ်ဆိုင်ရာ အမြင်ကွဲလွဲမှုဖြစ်ပြီး လေးစားစွာ ဆွေးနွေးနိုင်ပါတယ်။ဒါပေမဲ့ ပညာရှင်တစ်ဦးရဲ့ ဖိက်ဟ်အမြင်ကို တမန်တော်မြတ် ﷺ ရဲ့ ဟဒီးစ်အဖြစ် ပြောင်းလဲပြောဆိုခွင့် မရှိပါဘူး။ အထူးသဖြင့် “ဆံပင်ပေါ် ကတ်ကြေးတင်ရင် ဂျန္နသ်ရဲ့အနံ့တောင် မရဘူး” ဆိုတဲ့ စကားမျိုးကို ဟဒီးစ်အဖြစ် လုံးဝမပြောဆိုသင့်ပါ....

^Didn't have a happy ending^

Open In TikTok:

Region: MM

Tuesday 20 October 2026 12:42:26 GMT