🔴 செல்ஃபி மோகத்தில் குழந்தையையே மறந்த பெற்றோர்! கடல் அலையில் சிக்கிய சிறுமி – இணையத்தில் கடும் எதிர்ப்பு! கடற்கரையில் செல்ஃபி காணொளி எடுப்பதில் கவனம் செலுத்திய தம்பதியினர், தங்களது சிறு குழந்தையின் பாதுகாப்பைக் கவனிக்கத் தவறியதாகக் கூறப்படும் சம்பவம் சமூக வலைத்தளங்களில் பெரும் சர்ச்சையை ஏற்படுத்தியுள்ளது. கடற்கரையில் குழந்தையுடன் சென்ற தாய், தந்தை இருவரும் சமூக வலைத்தளத்திற்கான காணொளியைப் பதிவு செய்துகொண்டிருந்தபோது, சிறுமி கடல் அலையின் அருகே ஆபத்தான நிலையில் காணப்பட்டதாக வைரலாகும் காணொளியில் தெரிகிறது. அப்போது, அங்கு வந்த ஒருவர் ஆபத்தை உணர்ந்து சிறுமியை மீட்டு பாதுகாப்பாக அழைத்துச் சென்றதாகத் தெரிவிக்கப்படுகிறது. இந்தக் காணொளியைப் பார்த்த இணையவாசிகள், “சில நிமிடக் காணொளிக்காகக் குழந்தையின் உயிரைப் பணயம் வைக்கலாமா?” எனக் கேள்வி எழுப்பி, பெற்றோரின் கவனக்குறைவு குறித்து கடும் விமர்சனங்களை முன்வைத்து வருகின்றனர். காணொளி எடுப்பதைவிட குழந்தைகளின் பாதுகாப்பே முதன்மையானது என்பதை இந்தச் சம்பவம் மீண்டும் வலியுறுத்துகிறது. #BreakingNews #TamilNews #SriLanka #TrendingNews #fyp - @rif.media.net