@qazetci: Qarabağda mövcud olmuş separatçı rejimin “dövlət naziri” Ruben Vardanyana vəkili ilə görüşməyə icazə verilmir. Bu barədə Qazetçi-yə daxil olan məlumata görə, avqust ayından etibarən vəkili Vardanyanla görüşə buraxılmır. Ruben Vardanyan ailə üzvlərinə etibarnamə vermək üçün saxlanıldığı Umbakı Penitensiar Kompleksinin rəisinə etdiyi müraciətə cavab verilmədiyindən o, 2026-cı ilin avqust ayının əvvəlində Bakı İnzibati Məhkəməsində Penitensiar Xidmətə qarşı iddia qaldırıb. Penitensiar Xidmətin rəhbərliyi Ruben Vardanyana iddianı geri götürməsi üçün təzyiq edib. İddia geri götürülmədiyindən bu il avqustun 12-dən etibarən Ruben Vardanyana vəkili ilə görüşməsinə icazə verilmir. Onun müdafiə hüququnun həyata keçirilməsinə yaradılan manəyə görə məhkəmələrə etdiyi şikayətlərə də baxılmır. Qəzetçi bu iddialarla bağlı Ədliyyə Nazirliyi yanında Penitensiar Xidmətin mətbuat xidmətinə müraciət etsə də, suallara cavab ala bilməyib. Ruben Vardanyan bu ilin martından Azərbaycanın Ombudsmanı Səbinə Əliyevaya açıq müraciət ünvanlayıb. O, pozulmuş hüquqlarının bərpa edilməsini xahiş edib və Azərbaycan tərəfi öz qanunlarına riayət etməyə çağırıb. Ruben Vardanyan 2023-cü il sentyabrın 27-də Azərbaycan sərhədçiləri tərəfindən Laçın dəhlizindən Ermənistana keçərkən saxlanılıb. O, 2026-cı il fevralın 17-də Bakı Hərbi Məhkəməsinin hökmü ilə 20 il müddətinə azadlıqdan məhrum edilib. Vardanyan terrorçuluq, müharibə cinayətləri, əhalinin zorla deportasiya edilməsində və insanlığa qarşı digər ağır cinayətlərdə təqsirli bilinib. O, məhkəmə prosesini ədalətsiz hesab edib və Bakı Hərbi Məhkəməsinin hökmündən apellyasiya şikayəti verməkdən imtina edib.

Qazetci

Open In TikTok:

Region: DE

Tuesday 20 October 2026 13:53:13 GMT