#ዝሙትና የተለያዩ ሱሶች ያለበት አንድ ሰዉ ነበር። ምን ጊዜም አንድ ቀን እተዋለሁ እያለ ገና በሃያ አምስት አመቱ የጀመረዉ ሱስ እስከ አርባ አመቱ ዘለቀ። የሆነ ቀን በጠዋት ይነሳና ቤተክርስቲያን ልሂድ ብሎ ሲያስብ 🤔ይሄን ሁሉ ሀጢያት ተሸክሜ እንዴት ንስሀ ሳልገባ እደጁ እሄዳለሁ አይ ይቅርብኝ አንድ ቀን እሄዳለሁ ይላል ደግሞ። መዳን እየፈለገ ሁሌ ለህመሙ ቀጠሮ ይሰጥ ነበር። የሆነ ቀን በጠና ይታመምና ይተኛል። በቃ አንድ ቀን እንዳልኩ ልሞት ነዉ ብሎ ያዝናል 🥺🥺በተኛበትም ህልም አየ። ህልሙ እንዲህ ነበር"በቀኝ በኩል ነጫጭ የለበሱ በግራ በኩል ደግሞ እሳት የመሰለ ነገር የለበሱ በመሀላቸዉ ግርማዉን በፁሁፍ ለመግለፅ የማይቻል ዳኛ ቁጭ ብሏል የሚፈረድባቸዉ ሰዎች ሁሉ አንዳቸዉ ወደ ቀኝ አንዳቸዉ ወደ ግራ ይወረወራሉ ሁሉም ዳኛ ፊት እየቆሙ ይፈረድባቸዋል የሱ ተራ ይደርስና ለፍርድ እቆማለሁ ሲል ጠባቂዎች አንተ ለፍርድ አትቀርብም እረፍዷል ብለዉ አንጠልጥለዉ እሳት ከለበሱ ሰዎች መሀል ይወረዉሩታል ቢጮህ ቢለምናቸዉ እሺ ለፍርድ እንኳን አቅርቡኝ ብላቸዉ አልሰማ አሉት"ልክ እየጮኸ እያለ ከእንቅልፉ ነቃ። በጣም ደንግጦ ላብ በላብ ሆኖ ከመኝታዉ ተነስቶ የሆነዉን ሁሉ ለአባቱ ነገረዉ 🥺አባቱም ፈገግ አለና እንዲህ አለዉ። ያየህዉ ህልም ጥሩ ነዉ ምክንያቱም በህይወት አለህ ስለዚህ ዛሬ ማስተካከል የምትችለዉ ብዙ ነገር ስላለ ደስ ይበልህ ዛሬዉኑ ንስሀ ግባና አዲስ ሰዉ ሁን ከስህተትህ ተማር ታሪኩን መቀየር የማይችል በሕይወት የሌለ ሰዉ ብቻ ነዉ አንተ ደግሞ እሱ እድል አለህና ተጠቀምበት አለዉ። ልጁም ፈገግ ብሎ ነገሮች ቀላል እንደሚሆኑ ስለነገርከኝ ደስ ብሎኛል ዛሬ ነገ ብሎ ነገር የለም ዛሬ ንስሀ እገባለሁ ብሎ ቃል ገባና የዛኑ እለት ንስሀ ገባ። ነገር ግን ነገን ማየት ሳይታደል ቀረና በማግስቱ ሞተ 🥺😢 መልክቱ፦ ለንስሀና ለመልካም ነገር ቀጠሮ መያዝና ነገ ማለት ለፍርድ እንኳን ሳንቀርብ ያስቀረናልና ባላየነዉ ነገ ተስፍ አድርጎ ቀጠሮ ከመያዝ በተሰጠን ዛሬ እንደ እግዚአብሔር ፍቃድ ብንጠቀምበትና ብንመለስ መልካም ነዉ ባይ ነኝ 🥰🙏እግዚአብሔር እረፍዷል ብሎ ፊቱን እንዳያዞርብን የሱ የራሱ ፍቃድ ይሁንልን 🙏🥰 ሰላማችሁ ይብዛልኝ 🙏🏻አስተማሪ ታሪክ ስለሆነ✍✍✍ ➳ሼርር አድርጉት🙏🏻🤌🤌🤌 በየቀኑ እንዲህ አይነት ታሪኮችን ለማግኘት ፎሎ ያርጉ🙏 - @hayilemariym.demeke