@shayen_025: ඔයාගේ හැම වෙනස්කමක්ම ඉවසගෙන, ඔයාගේ පුංචි ආදරයක් වෙනුවෙන් පවා දවස ගාණේ බලාගෙන හිටපු මාව… ඔයාගේ එක Message එකක් වෙනුවෙන්, එක Call එකක් වෙනුවෙන්, “මට ඔයාව ඕනේ” කියන එක පුංචි වචනයක් වෙනුවෙන් කොච්චර බලාගෙන ඉන්න ඇතිද මං… ඔයාට නොදැනුණාට, ඔයාගේ පුංචි වෙනස්කමක් පවා මගේ හිතට දැනුණා… ඔයා වෙනදා වගේ කතා නොකරනකොට, මං මොකක්හරි වැරැද්දක් කළාද කියලා හිතුවා… ඔයා මාව නොසලකා හරිනකොට, මං තවත් ආදරෙන් ඔයා ළඟට එන්න උත්සාහ කළා… ඔයා ඈත් වෙන හැම වෙලාවකම, මං තවත් ළං වෙන්න හේතුවක් හෙව්වා… මොකද මට ඕනේ වුණේ ඔයාව අතාරින්න නෙවෙයි… කොහොමහරි ඔයා එක්කම ඉන්නයි… ඔයාගේ හිතේ මට පුංචි තැනක් හරි තියෙනවා නම්, ඒ තැන මට නැති කරගන්න ඕනේ වුණේ නෑ… ඒ නිසාම මං මගේ හිත රිදුණු තැන් ගොඩක් හංගගත්තා… ඔයා කියපු සමහර වචන අමතක කරන්න උත්සාහ කළා… ඔයා මාව නොසලකා හැරපු සමහර දවස්වල, මට කිසිම දුකක් නැහැ වගේ හැසිරුණා… ඔයාගෙන් ආදරේ ඉල්ලන එකත් මටම ලැජ්ජාවක් දැනෙන තරමට, මං මගේ හැඟීම් හංගගෙන හිටියා… ඒත් ඔයා දන්නවද…? කෙනෙක්ට ආදරේ කරනවා කියන්නේ හැමදාම එයා ළඟට දුවගෙන යන එක විතරක් නෙවෙයි… එයාට තමන්ව ඕනේද කියලා නොදැන, එයාගේ හිතේ තමන්ට තැනක් තියෙනවද කියලා නොදැන, හැමදාම තමන්ගේ ආදරේ ගැන සැක කර කර ජීවත් වෙන එකත් හරිම වේදනාවක්… මටත් ඕනේ වුණා ඔයාගෙන් ආදරේ විඳින්න… හැමදාම මං විතරක් ඔයාව හොයනවා වෙනුවට, දවසක ඔයාත් මාව හොයනවා දකින්න… මං විතරක් ඔයාව මතක් කරනවා වෙනුවට, ඔයාටත් මාව මතක් වෙනවා දැනගන්න… මං විතරක් මේ සම්බන්ධය රැකගන්න උත්සාහ කරනවා වෙනුවට, ඔයාත් මාව නැති කරගන්න බයයි කියලා දැනෙන්න… ඒත් මට ලැබුණේ හැමදාම බලාගෙන ඉන්න එක… ඔයා වෙනස් වෙයි කියලා හිත හදාගන්න එක… හෙටවත් හැමදේම හොඳ වෙයි කියලා අද දවසේ කඳුළු හංගගන්න එක… ඉතින් මං ඈත් වුණොත්, ඒ මගේ හිතේ ආදරේ එකපාරටම නැති වුණු නිසාම නෙවෙයි… සමහරවිට ඔයා ළඟම ඉඳගෙන, ඔයාගෙන්ම ඈත් වෙලා වගේ දැනෙන එක තවත් දරාගන්න බැරි වුණු නිසා වෙන්න ඇති… මං ඔයාව අතාරින්න කලින් කොච්චර වාරයක් මගේ හිතෙන් ඔයාව අතාරින්න උත්සාහ කරන්න ඇතිද කියලා ඔයා කවදාවත් දැනගන්න එකක් නෑ… කොච්චර රෑවල්වල මං තනියම හිත හදාගන්න ඇතිද… කොච්චර වාරයක් ඔයාට Message එකක් දාන්න හිතාගෙන, ඔයාට කරදරයක් වෙයි කියලා හිතලා නවත්තගන්න ඇතිද… කොච්චර දේවල් කියන්න තිබුණත්, ඔයාට ඒවා අහන්න ඕනේ නැහැ කියලා හිතිලා නිහඬ වෙන්න ඇතිද… දවසක මං නැති අඩුව ඔයාට දැනුණොත්… මං හැමදාම ඔයා ළඟ හිටපු හැටි මතක් වෙයි… ඔයාගේ පුංචි වෙනසකට පවා බය වුණු හැටි මතක් වෙයි… ඔයාගේ තරහව ඉවසගෙන, ඔයාගේ නිහඬකම දරාගෙන, ඔයාගේ පුංචි ආදරයක් ලැබුණු දවසක මුළු ලෝකෙම ලැබුණා වගේ සතුටු වුණු හැටි මතක් වෙයි… එදාට මං ඔයා ළඟ නොහිටියත්, මගේ ආදරේ ඔයාට මතක් වෙයිද දන්නේ නෑ… ඒත් එක දෙයක් මතක තියාගන්න… මං ඔයාගෙන් ඈත් වුණේ ඔයා මට වටින්නේ නැති නිසා නෙවෙයි… ඔයා මට ගොඩක් වටින නිසාම, ඔයා ළඟ ඉන්න උත්සාහ කර කර මගේ හිතම නැති කරගන්න බැරි නිසා… මං හැමදාම ඔයාගේ ළඟ ඉන්න කැමැත්තෙන් හිටියා… ඒත් මගේ ආදරේටත්, මගේ හැඟීම්වලටත්, මගේ හිතටත් වටිනාකමක් තියෙනවා කියලා දවසක මටම තේරුම් ගන්න වුණා… දවසක ඔයාට මාව Miss වුණොත්… මං කොහේ ගියත්, කවුරු ළඟ හිටියත්, මාව අමතක කරන්න කලින් එක දෙයක් විතරක් මතක් කරගන්න… මං ඔයාව දාලා යන්න හිතාගෙන ආදරේ කළේ නෑ… ඔයාගේ ළඟම නතර වෙන්න හිතාගෙන හැමදේම ඉවසපු කෙනෙක් මං… ඒත් මාව ඔයාගේ ළඟ තියාගන්න මං විතරක් උත්සාහ කරලා මදි වුණා… මාව ඈතට තල්ලු කරලා දැම්මේ අන්තිමට ඔයාමයි… #creatorsearchinsights #lovestory #heartbreakemotionalshortvideos #brekup #trending