@hajeke_beauty: ✋الأملا Phyllanthus emblica ثمرة هندية مستخدمة تقليدياً للعناية بالشعر. أكو دراسات أولية واعدة عليها، منها دراسة بشرية على 60 امرأة استخدموا بيها شراب الأملا عن طريق الفم لمدة 12 أسبوع وشافوا تحسن ببعض مؤشرات دورة نمو الشعر. الدراسة بيها تفاصيل أكثر ما گدرت أذكرها بالفيديو لضيق الوقت، هذا رابطها لمن يحب يطلع عليها: https://pubmed.ncbi.nlm.nih.gov/37487962/ أما دابر أملا فهو مو زيت أملا نقي، تركيبته تبدأ بالزيت المعدني، زيت الكانولا، زيت النخيل، العطر، وبعدها مستخلص الأملا. • التطويل: ماكو دليل قوي إنه يسرع نمو الشعر من البصيلة، لكن تقليل التكسر ممكن يساعد على الاحتفاظ بالطول. • الكثافة: ممكن الشعر يبين أكثر امتلاء بسبب تقليل التكسر، مو بالضرورة زيادة عدد الشعرات أو سماكتها من الجذر. • السواد: الزيت ممكن يخلي الشعر يبين أحلك وألمع بسبب تغير انعكاس الضوء، مو بسبب زيادة الميلانين. • التساقط: ممكن يصير عند البعض بسبب تهيج أو حساسية الفروة أو تراكم الزيوت وعدم تنظيفها بصورة مناسبة. إذا سبب لج مشاكل بالفروة أو زيادة واضحة بالتساقط، وقفيه. بالنسبة إلي، الادعاءات الكبيرة حول دابر أملا مبالغ بيها مقارنة بالدليل الموجود، لكن إذا ناسب شعرچ كزيت وساعدچ بالنعومة وتقليل التكسر، عادي تستخدمينه. #دابر_املا #dabur #daburamla

Hajer

Open In TikTok:

Region: IQ

Tuesday 20 October 2026 17:42:09 GMT