@qogamdyq_kelisim_astana: 🔹Достық үйінің өкілдері студенттермен кездесу өткізді Этномәдени бірлестіктердің күні аясында қалалық Достық үйінің өкілдері С.Сейфуллин атындағы Қазақ агротехникалық зерттеу университетінің студенттері мен оқытушыларымен кездесу өткізді. Жиын барысында спикерлер еліміздің ең басты құндылығы - ынтымақ пен бірлік тақырыбында әңгіме қозғап, елордалық Достық үйінің қызметі жайлы баяндады. Аналар кеңесі төрағасының орынбасары Найля Сейдалина отбасылық құндылықтар жайлы айтып, патриоттық тәрбие мәселелеріне тоқталды. Өз кезегінде корей этномәдени бірлестігінің төрағасы Евгений Цой жастардың белсенділігі және қоғамның өркендеуіне қосар үлестері туралы ой қозғады. Ал Әзербайжандар қауымдастығы жастар қанатының төрағасы Каве Алиева Достық үйінің жастарға ұсынатын мүмкіндіктері туралы әңгімеледі. Сондай-ақ студенттердің назарына Достық үйінің қызметін бейнелейтін фотокөрме және сәндік - қолданбалы өнер көрмесі ұйымдастырылды. Ал іс- шара соңында этномәдени бірлестіктер жанындағы шығармашылық ұжымдардың қатысуымен шағын концерттік бағдарлама ұсынылды.
