@tvmusavatofficial: Məşhur azərbaycanlı fotoqraf Parisdə iğtişaşların ortasına düşdü, çəkdiklərini TV Musavata yolladı Məşhur azərbaycanlı fotoqraf Parisdə iğtişaşların ortasına girdi, çəkdiklərini Bakıya yolladı – VİDEO Dünya şöhrətli azərbaycanlı fotoqraf Reza Deqati Paris küçələrində etirazlar zamanı çəkdiyi görüntüləri Musavat.com-a göndərib. Videoda şəhərin mərkəzi küçələrindəki aksiyalar və etirazlardan sonra yaranan mənzərə, o cümlədən dağıntılar və çirklənmiş küçələr əks olunur. Deqati Musavat.com-a göndərdiyi mesajda yazıb: “Əziz dostlar. Ötən həftə sərgimlə bağlı Parisdə idim. Bir gün evdə qalmağa vaxtım olsa da, peşə məsuliyyətim məni kameramı götürüb küçəyə çıxmağa vadar etdi. Həmin günü sizinlə bölüşürəm. İndi isə Bakıdayam. Hörmətlə, Reza Deqati” Fransada etirazlar niyə başladı? Fransadakı etirazlar əvvəlcə Paris ətrafındakı məktəblərdə müəllim çatışmazlığı və təhsil şəraitinin pis olması ilə bağlı şagird aksiyaları kimi başlayıb. Sonradan narazılıq yaşayış xərclərinin, yanacağın bahalaşması, dövlət xidmətlərinin zəifləməsi, bərabərsizlik və hökumətin büdcə siyasəti ilə bağlı etirazları da birləşdirib. Oktyabrın 17-də ölkə üzrə yüz minlərlə insanın qatıldığı aksiyaların böyük hissəsi dinc keçsə də, bəzi qrupların iştirakı ilə toqquşmalar, yanğınlar və talanlar baş verib. Etirazlar Fransa ilə məhdudlaşmayıb: həmin gün Belçika, Portuqaliya və İtaliyada da nümayişlər keçirilib. Lakin bu ölkələrdə narazılıqların səbəbləri fərqlidir. Təbrizdə azərbaycanlı ailəsində doğulan Reza Deqati uzun illərdir beynəlxalq miqyasda çalışan fotojurnalistdir. O, National Geographic də daxil olmaqla müxtəlif beynəlxalq media qurumları üçün işləyib, yüzdən çox ölkədə reportajlar hazırlayıb. Reza Deqatinin Parisdən çəkdiyi görüntüləri Musavat.com təqdim edir. Musavat.com #trend #paris #keşfet #rezadeqati #azerbaijan

TvMusavatOfficial

Open In TikTok:

Region: AZ

Tuesday 20 October 2026 19:17:06 GMT