@netthetkyoe3: ထူးဆန်းတယ်မဟုတ်လား... တစ်နေ့ သေဆုံးရမယ်ဆိုတာ သိလျက်နဲ့  ထာဝရရှင်သန်မယ့်သူတွေလို နေထိုင်ကြတယ်။ အချိန်ဆိုတာ ပြန်မရနိုင်မှန်း သိလျက်နဲ့  တန်ဖိုးအရှိဆုံးအရာကို တန်ဖိုးမဲ့သလို  ဖြတ်သန်းနေကြတယ်။ ငါတို့ဟာ ဘယ်သူ့ခွင့်ပြုချက်နဲ့  ဒီလောကထဲကို ရောက်လာခဲ့ကြတာလဲ။  ဘယ်သူ့စည်းမျဉ်းတွေအောက်မှာ  ကိုယ့်ဘဝကိုယ် ရှင်သန်ဖို့တောင်  ခွင့်တောင်းနေရတာလဲ။ ဖြစ်ချင်တာတွေ ရှိခဲ့ကြတယ်။  ဖြစ်နိုင်ပါလျက်နဲ့ မဖြစ်ခဲ့ကြဘူး။  အကြောင်းရင်းကတော့  "မဖြစ်သင့်ဘူး" ဆိုတဲ့ စကားတစ်ခွန်း။ အဲဒီစကားအောက်မှာ အိပ်မက်တွေ  တိတ်ဆိတ်သွားကြတယ်။  ဆန္ဒတွေ အရောင်မှိန်သွားကြတယ်။  နောက်ဆုံးမှာ ကိုယ်ဖြစ်ချင်ခဲ့တဲ့ အရာတွေကို သူစိမ်းတစ်ယောက်လို  အဝေးကနေ ပြန်ငေးကြည့်နေရတယ်။ ဒါဆိုရင်... ငါတို့ဟာ ကိုယ့်ဘဝကိုယ်  ရှင်သန်နေကြတာလား၊  သူများမျှော်လင့်ထားတဲ့ လူတစ်ယောက်အဖြစ် တဖြည်းဖြည်း ပျောက်ကွယ်နေကြတာလား။ မနက်ဖြန်ဆိုတာ ဘယ်သူ့လက်ထဲမှာမှ  မရှိတဲ့ အရာတစ်ခုပါ။  ဒါပေမဲ့ ငါတို့ကတော့  မနက်ဖြန်ရှိနေဦးမယ်လို့ ယုံကြည်ပြီး  ဒီနေ့ပြောသင့်တဲ့ မေတ္တာစကားတွေကို  ရွှေ့ဆိုင်းကြတယ်။  ဒီနေ့ ရှင်သန်သင့်တဲ့ အိပ်မက်တွေကိုလည်း  နောက်တစ်နေ့အတွက် ချန်ထားခဲ့ကြတယ်။ တကယ်လို့ မနက်ဖြန်သာ မရောက်လာခဲ့ရင်...  ငါတို့ရဲ့ နောင်တတွေကို ဘယ်သူ့ဆီ  သွားအပ်နှံကြမလဲ။ ဖြစ်ချင်တာတွေကို အမြဲတမ်း မျိုသိပ်မထားနဲ့။ မေတ္တာထားနိုင်တဲ့အချိန်မှာ မေတ္တာထားပါ။ နားလည်ပေးနိုင်တဲ့အချိန်မှာ နားလည်ပေးပါ။ ငါတို့အားလုံးဟာ မတူညီတဲ့ အိပ်မက်တွေနဲ့  မွေးဖွားလာကြပေမဲ့ နာကျင်မှုကို  ခံစားတတ်တဲ့ နှလုံးသားတွေ၊  အေးချမ်းမှုကို တောင့်တတဲ့ စိတ်တွေကိုတော့ အတူတူ သယ်ဆောင်ထားကြတယ် ဆိုတာကို မမေ့ကြပါနဲ့။ ဒါကြောင့် . . . . မနက်ဖြန်ထိ စောင့်မနေတော့ပဲ  ကျွန်တော်တို့ ဖြစ်ချင်တဲ့  ကောင်းသောဆန္ဒလေးတွေကို ဦးစားပေးပြီး သာယာတဲ့  လူ့ဘ၀ကြီး ဖန်တီးလိုက်ကြရအောင်။ #creatorsearchinsights #foryou #fyp #myanmartiktok🇲🇲🇲🇲 #crd

𝖄𝖆𝖓𝖌 𝕾𝖎𝖖𝖎

Open In TikTok:

Region: MM

Wednesday 21 October 2026 02:42:58 GMT