@koreayurist: 🚨 Oddiy haydovchilik deb boshlangan ish qanday qilib Voice Phishing jinoyatiga borib taqaldi? 🇰🇷 Yaqinda Koreyada yashayotgan bir yurtdoshimiz bilan bog‘liq holatga duch keldik. Voqea oddiy ish taklifidan boshlangan. U kishiga ma’lum manzillarga odamlarni mashinada olib borib, olib kelish taklif qilingan. Evaziga xizmat haqi to‘lanishi aytilgan. Boshida oddiy haydovchilik ishi deb o‘ylab, taklifga rozi bo‘lgan. Lekin vaqt o‘tishi bilan vaziyat boshqacha tus ola boshlagan. Mashinada olib yurilgan odamlarning o‘zaro suhbatlari, ayrim telefon qo‘ng‘iroqlari va ma’lumot almashish holatlari unda shubha uyg‘ota boshlagan. Ya’ni, boshida oddiy ish deb o‘ylagan bo‘lsa, keyinchalik nimadir noto‘g‘ri ekanini sezgan. Shunga qaramay, turli sabablar bilan ishni o‘z vaqtida to‘xtata olmagan. Oxir-oqibat esa Voice Phishing (보이스피싱), ya’ni telefon firibgarligi bilan bog‘liq jinoyat ishi doirasida hibsga olingan. ⚖️ Eng muhim masala esa tergov jarayonida yuzaga kelgan. Tergov davomida undan qilayotgan ishining noqonuniy bo‘lishi mumkinligini bilganmi yoki hech bo‘lmasa shubhalanganmi, degan mazmunda savollar so‘ralgan. U esa boshida bilmaganini, lekin keyinchalik ayrim holatlardan shubhalana boshlaganini bildirgan. Aynan shu holat tergovda uning ishning asl mohiyatidan qanchalik xabardor bo‘lganini aniqlashdagi muhim masalalardan biriga aylangan. Eng achinarlisi, bu ish orqali olgan xizmat haqi ham katta bo‘lmagan. Lekin kelib chiqqan muammo ancha jiddiy. Bu yerda bir narsani tushunish kerak. Odamning jabrlanuvchilar bilan bevosita uchrashmagani yoki faqat haydovchilik qilgani uning jinoyatga aloqadorligi masalasini avtomatik ravishda hal qilmaydi. Shu bilan birga, biror ishdan shubhalanganining o‘zi ham uni darhol aybdor degani emas. Bunday holatda barcha vaziyatlar va dalillar birgalikda baholanadi. 🎥 Videoda shu holat orqali Koreyada Voice Phishing jinoyatlariga bilmasdan aralashib qolish xavfi haqida gaplashdik. Bu voqeani ulashishdan maqsad — boshqalar ham shunday vaziyatga tushib qolmasligi. Ishning asl mazmunini tushunmasangiz, oson pul topish imkoniyati deb shoshilib rozi bo‘lmang. 🇰🇷 Koreyada viza, immigratsiya, jinoyat ishlari va boshqa huquqiy masalalar bo‘yicha yordam. 📞 010-9359-9966 📞 010-7902-7447 📲 Telegram: @KoreaYurist 🔗 https://t.me/KoreaYurist #koreyadagiozbeklar #Koreya #koreayurist #보이스피싱 #선고

koreayurist

Open In TikTok:

Region: KR

Wednesday 21 October 2026 02:46:13 GMT