@tekle.4: 🕳🕳🕳 Gorsi hundi si fayyaduu dhiisuu danda’a. Inumaayyuu siif ba’aa ta’uu danda’a! ==== SEENAA HARROOTA KANAA DUBBISI..! ==== 💦 Yeroo tokko daldalaan tokko harroota lama qaba ture. 💦 Harreen tokko soogidda, harreen kan biraa immoo jirbii baata ture. 💦 Guyyaa guyyaan daldalaan sun meeshaa isaa gara gabaa geessuuf laga tokko qaxxaamursiisa ture. 💦 Guyyaa tokko harreen soogidda baattu utuu laga ce’aa jirtuu bishaan keessatti kufte. 💦 Soogiddi bishaan keessatti maamma'ee bishaaniin nyaatamee, ba’aan ishee salphate. 💦 Harreen sunis ba’aan ishee salphachuu hubattee baay’ee gammade. 💦 Guyyaa itti aanu, yeroo laga bira geessu, itti yaaddee ammas bishaan keessatti kufte. Soogiddi ammas maamma'ee ba’aan ishee salphate. 💦 Guyyaa itti aanu, harreen jirbii baattu, “Ati akkamitti yeroo laga ceetu ba’aa kee salphiftee saffisaan deemta?” jettee gaafatte. 💦 Harreen soogidda baattus, “Yeroo laga ceetu akkuma koo bishaan keessatti kufi; yericha ba’aan sirraa salphata,” jetteen. 💦 Harreen jirbii baattus waan isheen jette amanuun, guyyaa biraa yeroo laga ceetu bishaan keessatti kufte. ==== Garuu yeroo sana wanti ta’e adda ture! ==== 💦 Jirbiin bishaan ofitti xuuxee ulfaatina isaa dachaa taasise. 💦 Harreen sunis ba’aa ulfaataa sana baattee ka’uu dadhabde! Ba'aas dabalatte. 💦 Gorsi nama tokko gargaaru, si gargaaruu dhiisuu danda’a. Inumaayyuu, siif ba’aa ta’uu danda’a! 💦 Kanaaf, eenyu akka si gorsuu fi muuxannoo akkamiin akka si gorsu adda baafadhu. 💦 Gorsi hundi siif hin fayyadu! Kanaaf, gorsa hunda osoo hin qoratin hordofuun sirrii miti. “Waan baachaa jirtu situ beeka!” 🕳🕳🕳 kanan dubbise irraati.! ====#Takilee dha! 💭💭💭 #BUNAAF #NAGAA #HIN #DHABINAA...! 💭💭💭

Tekle Fite

Open In TikTok:

Region: ET

Wednesday 21 October 2026 07:59:39 GMT