@ashana_tagamlary: "Negr" torty — tanyş tagam, kämil resept! Siz bu meşhur süjüligi öň bişirip görüpdiňiz mi? Bu resept boýunça taýýarlasaňyz, hakyky we ideal netije alarsyňyz, nesip bolsa! Gerekli önümler: Hamyry üçin: Ýumurtga — 5 sany Şeker — 3 stakan (700-720 gr) Gatyk — 3 stakan (750 gr) + 2 çaý çemçesi iýmit sodasy Mesge (saryýag) — 200 gr Un — 3,5 stakan (630-650 gr) Kakao — 1 stakan (90 gr) Wanilin 1 paketik Razryhlytel— 10 gr Kremi üçin: Gaýmak — 180 gr Bişen goýaldylan süýt (warýonka sguşonka) — 800-850 gr Taýýarlanylyşy: Ilki bilen gatyk bilen iýmit sodasyny gowy edip garyşdyryp, bir gyra goýýarys. Başga bir gapda ýumurtga bilen şekeri gowy edip garyşdyrýarys. Soňra üstüne gatykly garyndyny guýup, ýene bir gezek garyşdyrýarys. Gurak önümleri (un, kakao, razryhlytel, wanilin) bir ýere jemläp garyşdyrýarys we suwuk garyndynyň üstüne eläp, ýarysyny goşýarys. Wençik bilen garyşdyryp, galan ýarysyny hem goşýarys. Iň soňunda bolsa eridilen mesgäni guýup, garyşdyrýarys. Pegament kagyzy ýazylan protiwene hamyryň ýarysyny guýup, tekizleýäris we 200-220⁰ derejede gyzdyrylan duhowkada 25-30 minut dowamynda bişirip alýarys (iki sany korž bolmaly). Gaýmak bilen sguşonkany wençik bilen gowy edip garyşdyrýarys. Kremiňiz taýyn! Biraz sowan koržlarymyzy kremläp, islegiňize görä üstüni şokolad pastasy bilen bezäp bilersiňiz. Resepti ýitirmez ýaly saklap goýmagy we ýakynlaryňyz bilen paýlaşmagy unutmaň! #negrtorty #reseptler #ashanatagamlary #turkmenistan

Aşhana_tagamlary

Open In TikTok:

Region: TM

Wednesday 21 October 2026 08:18:19 GMT