@idinaelbakry: فيه فرق كبير بين شخص بيشتاق يشوفك وشخص مبيفتكركيش غير لما يكون عايز يشوفك بصي إنتي بتقولي إن التواصل بينكم قليل ولما تيجي إجازته يبدأ يكلمك عشان تتقابلوا وأول ما ترفضي يختفي فترة وبعدها يرجع يكرر نفس التصرف خليني أقولك إن المشكلة هنا مش إنه عايز يقابلك المشكلة في رد فعله لما بتقولي لأ لأن فيه فرق بين شخص بيزعل من عدم المقابلة لكنه بيفضل مهتم وبيحافظ على التواصل وشخص اهتمامه بيختفي كل مرة الأمور متمشيش بالطريقة اللي هو عايزها وهنا فيه احتمالين لازم نفهمهم: ممكن يكون بيعتبر المقابلات هي طريقته الأساسية للتقرب ولما بترفضي بيفسر ده على إنه عدم اهتمام منك فيبعد وممكن يكون اهتمامه بالتواصل مرتبط بالمقابلة نفسها ولما متحصلش يفقد رغبته في الاستمرار في الكلام لكن أخطر نقطة نفسيا مش بس سبب اختفائه إنك ممكن مع تكرار الموقف تبدأي تخافي تقولي لأ وتلاقي نفسك بتوافقي على مقابلات إنتي مش مستعدة ليها مش لأنك عايزة تتقابلي لكن عشان خايفة إنه يبعد ويسحب اهتمامه تاني وده ممكن يخليكي تتنازلي تدريجيا عن حدودك عشان تحافظي على العلاقة طيب تعملي إيه؟ اتكلمي معاه بوضوح واسأليه عن طبيعة العلاقة اللي هو عايزها ووضحي له إنك لاحظتي إن التواصل بيقل بعد رفض المقابلات وبعدها راقبي أفعاله: هل بيحاول يفهمك ويحترم ظروفك؟ ولا نفس النمط بيتكرر؟ وعايزاكي تفتكري الجملة دي كويس جدا : الاهتمام الحقيقي مش بس بيبان لما بتقولي حاضر بيبان كمان لما بتقولي لأ لأن الشخص اللي عايز يقرب منك بجد مش المفروض يخليكي تحسي إن استمرار اهتمامه بيكي مشروط بموافقتك على كل طلباته وقوليلي بقى: هل حصل معاكي إن شخص أول ما ترفضي له طلب يختفي ولما يرجع يتعامل كأن مفيش حاجة حصلت؟ لحجز الاستشارات والكورسات : 01022689502 #الامارات_السعوديه_الكويت_البحرين_عمان #Relationship #دبي #for #for
