🇽🇰🇺🇳 Në Këshillin e Sigurimit të OKB-së, Ministri i Punëve të Jashtme #GlaukKonjufca iu kundërpërgjigj ministrit serb Marko Gjuriq, duke denoncuar krimet e Serbisë gjatë luftës, kërcënimet ndaj sovranitetit të Kosovës dhe mungesën e drejtësisë për viktimat. 🎙️ Konjufca rikujtoi 12 mijë shqiptarët e pafajshëm dhe të paarmatosur të vrarë nga shteti serb, duke kritikuar heshtjen e Gjuriqit për këto krime dhe mohimin e përgjegjësisë. ⚖️ Duke iu referuar aktgjykimit të Dhomave të Specializuara ndaj Hashim Thaçit, Kadri Veselit, Jakup Krasniqit dhe Rexhep Selimit, Konjufca shprehu shqetësime serioze për dënimet e shqiptuara. Ai theksoi se lufta çlirimtare e UÇK-së nuk ishte në gjykim dhe se Kosova pret korrigjimin e gabimeve faktike dhe përmbajtësore në procesin e Apelit. 🛡️ Ai kërkoi përgjegjësi për sulmin terrorist në Banjskë, kritikoi mbështetjen e Beogradit për Milan Radoiçiqin, retorikën ekspansioniste të zyrtarëve serbë dhe diskriminimin e shqiptarëve në Luginën e Preshevës. 🏛️ Konjufca kundërshtoi gjithashtu raportin e UNMIK-ut, duke e cilësuar selektiv dhe duke theksuar përparimin demokratik të Kosovës dhe forcimin e sundimit të ligjit. 🇽🇰 Në përfundim, ai kërkoi drejtësi për të gjitha viktimat e luftës, përfshirë viktimat e dhunës seksuale, dhe ritheksoi se sovraniteti i Republikës së Kosovës është i panegociueshëm. #un #securitycouncil #kosova #justice - @vvazhdojme