🩵 ឈ្លោះគ្នា មិនមែនជារឿងសំខាន់ទេ! អ្វីដែលសំខាន់ គឺយើងមានដំណោះស្រាយឱ្យគ្នា ឬអត់? 🥺 អន់ចិត្តនឹងគ្នា វាមិនមែនជារឿងធំដុំទេ! អ្វីដែលសំខាន់ គឺយើងចេះបញ្ឈប់អារម្មណ៍អន់ចិត្ត និងការគិតច្រើនផ្ដេសផ្ដាស ឬអត់? ❤️‍🩹 ខឹងគ្នា វាក៏មិនមែនជារឿងធំដុំដែរ! អ្វីដែលសំខាន់ គឺយើងចេះទទួលស្គាល់កំហុស ចេះសម្រុះសម្រួល និងចេះអត់ឱនឱ្យគ្នា ឬអត់? 🌿 ធំៗអស់ហើយ… ម្នាក់ៗសុទ្ធតែរវល់ មមាញឹក ហើយក៏ហត់កាយ នឿយចិត្តដូចគ្នា។ យើងអាចហត់នឹងការងារ តែកុំធ្វើឱ្យមនុស្សសំខាន់ក្បែរខ្លួន ត្រូវហត់ចិត្ត នឿយគំនិត ព្រោះតែត្រូវមកឈ្លោះជាមួយយើងទៀត! ⏳ យើងមិនមានពេលវេលាច្រើនរាល់ថ្ងៃ ដើម្បីនៅក្បែរគ្នាគ្រប់ពេលនោះទេ។ តែអ្វីដែលសំខាន់ គឺការចេះឆ្លៀតពេលវេលាដ៏តិចតួចនោះ មកបង្កើតអារម្មណ៍ល្អៗ និងអនុស្សាវរីយ៍ជាមួយគ្នាឱ្យបានច្រើន។ 🫶 💭 ពេលខ្លះ រឿងខ្លះ បើប្រកាន់ពេក យើងក៏គិតឃើញតែរឿងអវិជ្ជមាន។ បើទាមទារពេក វានឹងក្លាយជាអារម្មណ៍តានតឹង និងការដាក់សម្ពាធលើគ្នា! 🌷 ស្នេហាដែលល្អ មិនមែនជាស្នេហាដែលមិនធ្លាប់មានបញ្ហានោះទេ ប៉ុន្តែជាស្នេហាដែលមនុស្សពីរនាក់ ចេះរួមគ្នាដោះស្រាយបញ្ហា ដោយមិនបោះបង់គ្នាងាយៗ។ 🤍 ការសម្របតាមគ្នាបាន គេហៅថា «ការយល់ចិត្ត»។ 🩵 កាត់បន្ថយអារម្មណ៍អន់ចិត្តចំពោះគ្នាបាន គេហៅថា «ការថ្នមចិត្ត»។ 🌻 អាចគិតដល់អារម្មណ៍គ្នាបានច្រើន គេហៅថា «ការគោរព»។ 🤝 អាចស្ដាប់ហេតុផល និងយល់ពីគ្នាបាន គេហៅថា «ការជឿជាក់ និងទុកចិត្ត»។ 💞 ព្រោះចុងក្រោយ… មនុស្សដែលយើងស្រឡាញ់ គួរតែជាកន្លែងដែលយើងទទួលបានភាពកក់ក្ដៅ មិនមែនជាកន្លែងដែលធ្វើឱ្យយើងកាន់តែហត់នឿយនោះទេ…!#stitch #លីមបញ្ញា - @both.makara