انسانی زندگی کا سب سے بڑا سرمایہ اچھے لوگ ہیں۔ ہماری زندگی میں بہت سے لوگ آتے جاتے ہیں، لیکن کچھ لوگ ہمارے دل پر اپنا نقش چھوڑ جاتے ہیں۔ کہا جاتا ہے کہ خاندانی انسان وقت پر پلایا ہوا پانی بھی یاد رکھتا ہے۔ خاندانی ہونے کا مطلب امیر ہونا یا بڑے خاندان سے ہونا نہیں، بلکہ اچھی تربیت، اچھے اخلاق اور اعلیٰ ظرف ہونا ہے۔ ایسا شخص اگر آپ نے اسے مشکل وقت میں صرف پانی کا ایک گلاس بھی پلایا ہو تو وہ اسے احسان کے طور پر ساری زندگی یاد رکھتا ہے۔ وہ موقع کی تلاش میں رہتا ہے کہ کب وہ آپ کے اس چھوٹے سے احسان کا بدلہ چکا سکے۔ یہی وفاقداری انسان کو عظیم بناتی ہے۔ اس کے برعکس بے نسل اور کم ظرف انسان کی پہچان یہ ہے کہ وہ وقت پر دیا گیا خون بھی بھول جاتا ہے۔ آپ اس کے لیے اپنی جان بھی دے دیں، اپنا وقت، اپنا پیسہ، اپنی محنت قربان کر دیں، لیکن جب اس کا وقت بدل جائے گا، جب وہ اپنے پاؤں پر کھڑا ہو جائے گا تو وہ آپ کو پہچاننے سے بھی انکار کر دے گا۔ ایسے لوگ احسان فراموش ہوتے ہیں۔ ان کے نزدیک رشتہ صرف مطلب تک ہوتا ہے۔ مطلب نکل گیا تو رشتہ ختم۔ ایسے لوگوں سے ہمیشہ بچ کر رہنا چاہیے کیونکہ یہ آپ کو کسی بھی وقت دھوکہ دے سکتے ہیں۔ زندگی کا ایک اور بڑا سچ یہ ہے کہ زندگی مخلص انسان سے صرف ایک بار ملاتی ہے۔ مخلص، ایماندار اور سچا دوست، سچا ساتھی قسمت والوں کو ملتا ہے۔ آج کے اس مطلبی دور میں جہاں ہر کوئی اپنا فائدہ سوچتا ہے، وہاں کوئی شخص اگر آپ کے ساتھ بغیر کسی لالچ کے مخلص ہے تو وہ اللہ کی نعمت ہے۔ بدقسمتی سے ہم اکثر ایسے لوگوں کی قدر نہیں کرتے۔ ہم ان کو معمولی سمجھ لیتے ہیں، ان کی باتوں کو نظر انداز کر دیتے ہیں۔ ہمیں لگتا ہے کہ یہ تو ہمیشہ ہمارے ساتھ ہی رہے گا۔ لیکن جب وہ مخلص انسان ہماری زندگی سے چلا جاتا ہے، تب ہمیں اس کی کمی کا احساس ہوتا ہے۔ پھر صرف پچھتاوا باقی رہ جاتا ہے۔ اس لیے دانشمندی اسی میں ہے کہ جو آپ کے ساتھ اچھا کرے اس کے احسان کو یاد رکھو، اور جو آپ کے ساتھ مخلص ہے اس کی زندگی میں ہی قدر کر لو، اس سے پہلے کہ دیر ہو جائے اور پچھتاوا آپ کا مقدر بن جائے۔ - @chparvezqatar