لوگوں کو قائل کرنا چھوڑ دیں کہ آپ اچھے انسان ہیں! یہ ضروری نہیں کہ آپ برے ہوں، اس لیے لوگ آپ کے خلاف ہیں۔ یہ بھی ضروری نہیں کہ آپ غلط ہوں، اس لیے لوگ آپ پر انگلیاں اٹھا رہے ہیں۔ اور یہ بھی ضروری نہیں کہ لوگوں کی اکثریت آپ کے خلاف ہو تو سچ بھی انہی کے ساتھ ہو۔ لوگ آپ پر پتھر پھینکیں تو ضروری نہیں کہ آپ بھی پتھر اٹھا کر ان پر پھینکیں، نہ ہی ہر پتھر کے جواب میں صفائیاں پیش کریں اور نہ ہی اپنی نیکی ثابت کرنے میں زندگی ضائع کریں۔ انہی پتھروں سے اپنی حفاظت کی دیوار تعمیر کرنا سیکھیں! لوگوں کو قائل کرنے، ان کی نظروں میں اچھا بننے اور اپنی صفائی دیتے رہنے کے بجائے اپنی توانائیاں علم، صلاحیت، محنت، معاشی خودمختاری اور اپنی زندگی سنوارنے پر لگائیں۔ یاد رکھیے! ہر الزام حقیقت نہیں، ہر مخالفت آپ کی غلطی کا ثبوت نہیں، اور ہر بھیڑ سچائی کی نمائندہ نہیں ہوتی۔ ہاں، اپنی غلطی سامنے آئے تو اسے تسلیم کرنے کا حوصلہ ضرور رکھیں۔ اپنی زندگی لوگوں کی منظوری کے تابع مت کریں۔ اتنے مضبوط بنیں کہ دوسروں کی نفرت آپ کی ترقی نہ روک سکے۔ وہ پتھر پھینکتے رہیں، آپ اپنی دیوار تعمیر کرتے رہیں۔ وہ آپ کے بارے میں فیصلے سناتے رہیں، آپ اپنی زندگی بناتے رہیں۔ کیونکہ زندگی کا مقصد ہر شخص کو اپنی اچھائی کا قائل کرنا نہیں، بلکہ اپنی زندگی کو بہتر بنانا ہے!