@aungkhantkyaw6605: ထိုင်းနိုင်ငံမှာ နေထိုင်ကြတဲ့ မြန်မာတွေအတွက်လည်း စိတ်ဝင်စားစရာကောင်းတဲ့ ရိုးရာပွဲတော်တစ်ခုဖြစ်တဲ့ Loy Krathong (လွိုင်းကရထုံ) ပွဲတော်ကြီးကတော့ ၂၀၂၆ ခုနှစ်၊ နိုဝင်ဘာလ ၂၄ ရက်နေ့မှာ ကျရောက်မှာဖြစ်ပါတယ်။ ဒီပွဲတော်ဟာ ထိုင်းနိုင်ငံရဲ့ အထင်ကရ ရိုးရာပွဲတော်တွေထဲက တစ်ခုဖြစ်ပြီး ညဘက်မှာ မြစ်ရေပြင်ပေါ် ဖယောင်းတိုင်မီးလေးတွေ လင်းလက်နေတဲ့ မြင်ကွင်းကလည်း ဓာတ်ပုံရိုက်ဖို့ အလွန်လှပတဲ့ မြင်ကွင်းတစ်ခုပါပဲ။ Loy Krathong ပွဲတော်ညမှာ ထိုင်းလူမျိုးတွေဟာ ပြီးခဲ့တဲ့နှစ်က မကောင်းတဲ့အရာတွေကို စွန့်လွှတ်ပြီး ရေစောင့်နတ်သမီးကို ပူဇော်ကန်တော့တဲ့အနေနဲ့ ငှက်ပျောရွက်၊ ပန်း၊ အမွှေးတိုင်နဲ့ ဖယောင်းတိုင်တွေကို အသုံးပြုကာ ကရထုံ (Krathong) လို့ခေါ်တဲ့ ရေမျှောဖောင်လေးတွေ ပြုလုပ်ကြပါတယ်။ အဲဒီကရထုံလေးတွေကို မြစ်တွေ၊ ကန်တွေထဲ မျှောချပြီး ရိုးရာဓလေ့အတိုင်း ပွဲတော်ကို ဆင်နွှဲကြတာ ဖြစ်ပါတယ်။ ဘန်ကောက်မြို့မှာ Loy Krathong ရေမျှောဖို့ နာမည်ကြီးတဲ့နေရာ ၄ ခု Asiatique The Riverfront ချောက်ဖယားမြစ်ကမ်းဘေးမှာရှိတဲ့ ဒီနေရာက ပွဲတော်ကာလဆိုရင် အတော်လေးစည်ကားပါတယ်။ ရိုးရာဖျော်ဖြေပွဲတွေ၊ စားသောက်ဆိုင်တန်းတွေနဲ့ ပွဲတော်အငွေ့အသက်ကို ခံစားနိုင်သလို Sathorn ဆိပ်ကမ်းကနေ အခမဲ့လှေနဲ့ သွားလာနိုင်တယ်လို့ ဖော်ပြထားပါတယ်။ Wat Arun ဘုရားကျောင်း မျက်နှာချင်းဆိုင် ချောက်ဖယားမြစ်ကမ်း ရိုးရာဘုရားကျောင်းရဲ့ အလှတရားနဲ့ မြစ်ရေပြင်ပေါ်က ဖယောင်းတိုင်မီးလေးတွေကို တစ်ပြိုင်နက်တည်း ခံစားချင်သူတွေအတွက် ဓာတ်ပုံရိုက်ဖို့ လှပတဲ့နေရာတစ်ခု ဖြစ်ပါတယ်။ ICONSIAM နဲ့ SookSiam မိသားစုနဲ့အတူ ပွဲတော်သွားချင်သူတွေအတွက်လည်း သင့်တော်ပါတယ်။ ရေပေါ်ဈေးပုံစံ အပြင်အဆင်တွေနဲ့ စည်ကားတဲ့နေရာဖြစ်ပြီး ရေမျှောဖို့ ကရထုံလေးတွေ ဝယ်ယူရတာလည်း အဆင်ပြေပါတယ်။ Benjakitti နဲ့ Lumphini ပန်းခြံတွေ မြစ်ကမ်းဘေးက လူအုပ်ကြီးတွေကြားမှာ မနေချင်ဘဲ အေးအေးဆေးဆေးနဲ့ ရိုးရာရေမျှောပွဲတော်ကို ဆင်နွှဲချင်သူတွေအတွက် စဉ်းစားသင့်တဲ့ နေရာတွေဖြစ်ပါတယ်။ ပွဲတော်သွားမယ့်သူတွေ သတိထားသင့်တာကတော့… ညနေပိုင်းနဲ့ ညဘက်ရောက်လာရင် ဆိပ်ကမ်းတွေ၊ မြစ်ကမ်းနားတွေနဲ့ ပွဲတော်ကျင်းပရာနေရာတွေမှာ လူအရမ်းစည်ကားနိုင်ပါတယ်။ BTS ရထားလိုင်းတွေနဲ့ ရေကြောင်းသွားလာရေးမှာလည်း လူများပြီး သွားလာရခက်ခဲနိုင်တာကြောင့် နေမဝင်ခင်ကတည်းက ကြိုတင်ရောက်ရှိဖို့ အကြံပြုထားပါတယ်။ ထိုင်းနိုင်ငံမှာ နေထိုင်ကြတဲ့ မြန်မာညီအစ်ကိုမောင်နှမတွေအနေနဲ့လည်း ဒီနှစ် Loy Krathong ပွဲတော်ကို သွားရောက်ဆင်နွှဲဖို့ စိတ်ကူးရှိတယ်ဆိုရင် သွားမယ့်နေရာ၊ သွားလာရေးနဲ့ လူအုပ်အခြေအနေတွေကို ကြိုတင်စီစဉ်ထားကြဖို့ လိုပါတယ်ဗျာ။ Source: The Thaiger #LoyKrathong #ထိုင်းရိုးရာပွဲတော် #ဘန်ကောက်လမ်းညွှန် #ထိုင်းရောက်မြန်မာများ #

akk

Open In TikTok:

Region: TH

Wednesday 21 October 2026 15:26:45 GMT