@tmpedagog: Balkan welaýatynyň Gyzylarbat etrap bilim bölüminiň guramagynda Goç obasyndaky 9-njy çagalar bakja-bagynda «Mekdebe çenli çagalar edaralarynda körpeler bilen gezelençleri maksadalaýyk guramagyň we olaryň daş-töwerek, tebigat baradaky düşünjelerini ösdürmegiň öňdebaryjy iş usullary» atly etrap derejesindäki usuly-amaly maslahat geçirildi. Maslahatyň esasy maksady mekdebe çenli ýaşly çagalar bilen geçirilýän gezelençleriň netijeliligini ýokarlandyrmakdan, körpeleriň daş-töwerek we tebigat baradaky düşünjelerini baýlaşdyrmakdan, şeýle hem terbiýeçileriň öňdebaryjy iş tejribelerini öwrenmekden we ýaýratmakdan ybarat boldy. Maslahatyň dowamynda gezelençleri ýaş aýratynlyklaryna laýyklykda guramagyň, çagalaryň tebigata bolan söýgüsini artdyrmagyň, ösümlikler we haýwanlar dünýäsi baradaky düşünjelerini ösdürmegiň, olarda tebigaty goramak endiklerini kemala getirmegiň ähmiýeti barada giňişleýin durlup geçildi. Şeýle hem gezelençleriň dowamynda syn etmek, sorag-jogap alyşmak, didaktiki oýunlary geçirmek ýaly netijeli usullaryň ulanylyşyna aýratyn üns berildi. Usuly-amaly maslahat terbiýeçileriň özara tejribe alyşmagyna, hünär başarnyklaryny kämilleşdirmegine we okuw-terbiýeçilik işinde täzeçil usullary netijeli peýdalanmagyna ýardam berdi. Z. Tuwakowa, Balkan welaýatynyň Gyzylarbat etrap bilim bölüminiň hünärmeni. @BILIM #tmpedagog #dowranmugallym #bilim #terbiye #maslahat

Döwran mugallym

Open In TikTok:

Region: TM

Wednesday 21 October 2026 19:29:55 GMT