Meeshan waxay ahayd xaruntii carruurta lagu korin jiray. Sariirta iga dambaysa waxay ahayd sariirtii aan seexan jiray, miiska iga dambaysana wuxuu ahaa miiskii aan saacado badan ku dul fariisan jiray, anigoo fikiraya, murugaysan, qalbigayguna ay ka buuxaan su’aalo aanan cidna weydiin karin. “Waxaan kasoo baxay guri aan haystay wax aan cuno iyo wax aan cabo, laakiin qalbigaygu ma uusan haysan xasillooni. Waxa iigu xanuunka badnaa waxay ahayd inaanan ogeyn hooyaday inay nooshahay iyo in kale, waayo la iima oggolayn inaan la hadlo ama aan xaaladdeeda ogaado. 💔🥺 Waxaan maalin kasta qalbigayga ka doonayay hal fursad oo keliya, inaan hooyaday ku iraahdo: ‘Hooyo, see tahay?’ Xitaa ma aanan ogeyn inaan mar kale codkeeda maqli doono iyo in kale. Dadku waxay arki kareen inaan meel joogo oo aan nolol haysto, laakiin ma aysan arki karin xanuunka igu jiray, anigoo aan ogeyn xaaladda hooyaday. Waxaan u baahnaa inaan ogaado inay nooshahay, inaan codkeeda maqlo, oo aan dareemo inaan weli haysto hooyo aan adduunka ku leeyahay. Mararka qaar, waxa ugu xanuunka badan ma aha inaad qof weydo, ee waa inaadan xitaa ogeyn xaaladdiisa, adigoo aan lugu oggolayn inaad raadiso.😭💔 Malinta i madey xaruunta ciyaalka lugu koriyo waxaa howl galay saan hooyadey ku heli lahaa, waxaa samaystey Fecabook waxaa radiyay wiilka iga wayn ee hooyadey dhashey, Magaciisa oo dhammaystiran ayaan halkaas ku arkay. Markii aan arkay sawirka profile-kiisa, waan ooyay, waan farxay, qalbigayguna wuxuu dareemay rajo aan muddo tabayay. Markii uu codsigayga aqbalay, waan la hadlay. Waxaan u qoray: “Hano, waa walaashaa kaa yar, Lena. Hooyo ka warran?” Anigoo ilmeynaya ayaan farriintaas qorayay. Ma ahayn su’aal caadi ah; waxay ahayd codkii gabar muddo dheer hooyadeed ka fogayd, oo doonaysay inay ogaato xaaladdeeda, inay caafimaad qabto, iyo inay mar kale codkeeda maqli karto. Hooyo ugu danbayn codkeeda waan maqley..😭 Waqtigaas waxaan haystay telefoon la i siin jiray toddobada subaxnimo, toddobada habeenimona la iga qaadi jiray. Dadkii masuulka iga ahaa ee wadanka ii keenay ayaa sidaas ii xaddiday. Iskuulna waan dhigan jiray, sidaas darteed waqti aan hooyo kula hadlo aad buu u yaraa. Waxaan hooyo u sheegay inaanan haysan telefoon aan si fiican ugula hadlo. Hooyaday waxay markaas joogtay Jigjiga. Markii ay ogaatay xaaladdayda, waxay ii soo dirtay lacag aan telefoon ku iibsado oo aan qarsado, si aan mararka qaarkood ula hadli karo. Waxaan kaloo u sheegay inaanan haysan dhar. Hooyo mar kale way ii soo dirtay lacag aan dhar ku gato. Waxay isku dayaysay inay ii qabato wixii ay awooddo, iyadoo meel iga fog joogta meel ficana joogin. Hooyo, waxaad ii soo dirtay lacag, laakiin ma aadan ogeyn inta jeer ee aan u baahnaa habsiintaada. Waxaad ii soo dirtay waxyaabihii aan u baahnaa, laakiin qalbigaygu wuxuu doonayay inaad agtayda joogto. Waxaan rabay inaan madaxaaga saaro garabkaaga oo aan kuu sheego wax kasta oo aan soo maray, anigoo aan ka baqayn inaan ooyo. Hooyo waxaa weydiiyay su’aal qalbigayga muddo ku jirtay: “Hooyo, maxaad ii oggolaatay inaan Yurub imaado?” Siddeed bilood ayaan caadada waayay. Maskaxdaydu waxay ku jirtay fikir badan, qalbigayguna wuxuu xambaarsanaa murugo aanan garanayn sida aan uga baxo. Waxaan ahaa gabar u baahan daryeel, xasillooni. intaas ma dhafin karo lkn marka wadanka imadey hooyadey igu danbaysey xaruunta ciyaalka marka imadey igu horaysey in aan dhaho hooyo see tshey 💔😭🙏 Iga raalli ahaada, laakiin heestani si aan caadi ahayn ayay qalbigayga u taabatay. 🥺💔 Waxay dib u soo kicisay xusuuso iyo xanuunno aan muddo dheer qalbigayga ku aasnaa, kuwa aanan cidna la wadaagin. Mararka qaar hees keliya ayaa ku xusuusin karta wax kasta oo aad isku dayday inaad illowdo. Waxa qalbiga ku duugnaa ayay dusha keentaa, ilmadii aad qarisayna mar kale ayay soo daysaa. ❤️‍🩹😭 #somaligirls #murugo #oyin - @lenadaadax