မပြည့်စုံတဲ့ မိသားစုကနေ မွေးလာခဲ့ရင် ကိုယ့် အလှည့်မှာ အရာရာကိုပြောင်းလဲဖို့ ၊ ငွေတွေအများကြီးရှာနိုင်ပြီး ဖြစ်ချင်တာတွေဖြစ်အောင်လုပ်နိုင်တဲ့ လူငယ်တစ်ယောက်ဖြစ်လာဖို့အတွက် ` Plan ´ Part 1 ------------------------------------ အစ်မလုပ်ခဲ့တဲ့အတိုင်း Plan ချပေးပြီးတော့ လိုအပ်တာတွေကိုအကြံပေးသွားပါမယ်။ အတိအကျ မဟုတ်ပဲနဲ့ ကိုယ့်အခြေအနေနဲ့ ကိုက်ညီမယ်လို့ခံစားရတာကိုရွေးချယ်ပြီးအသုံးချပါ။ အရင်ဆုံးသိထားသင့်တဲ့အရာ တစ်ချို့ကို ပြောပြပေးချင်ပါတယ်။ လိုအပ်ချက်များတဲ့ ဘဝကနေ ကိုယ့်အားကိုယ်ကိုးပြီးလုပ်ချင်တာတွေအားလုံးလုပ်နိုင်ဖို့ဆိုရင် (1) အချိန်လိုမယ်။ 📈 အစ်မတုန်းက သုံးနှစ်လောက်ကြိုးစားပြီး လေးနှစ်လောက်မှ ရလဒ်စမြင်ရတာ။ထိန်းသိမ်းနိုင်ဖို့နောက်ထပ်သုံးနှစ်ကြာတယ်။ (2) ဇွဲလိုမယ်။ 📈 အပေါ်မှာပြောသလိုပဲ အချိန်ယူပြီး ကြိုးစားရတဲ့အရာမို့လို့ မဖြစ်နိုင်တော့ဘူး။မလုပ်ချင်တော့ဘူး။ရပ်ပစ်လိုက်ချင်ပြီ။ပင်ပန်းလာပြီဆိုတဲ့ခံစားချက်တွေ ဘယ်နှစ်ရက် ၊ ဘယ်နှစ်ခါမှန်းမသိအောင်ခံစားရလိမ့်မယ်။ ကြိုးစားနေပေမယ့် ဘာမှမဖြစ်လာဘူးလို့ခံစားရတဲ့ရက်တွေလည်းရှိလိမ့်မယ်။ အဲ့တာတွေကို ဇွဲရှိရှိနဲ့ရင်ဆိုင်မှဖြစ်မှာ။ တစ်ခုခုကို စလုပ်ရတာကလွယ်လွယ်လေး။ ရေရှည်လုပ်ရတာက အခက်ဆုံးပဲ။ (3) မလုပ်ချင်လည်း လုပ်ရမယ် ။ 📈 တစ်ချို့ရက်တွေကျတော့ ပင်ပန်းလွန်းတယ်လို့ခံစားရပေမယ့် နားလို့မရတာမျိုး။ ရပ်ပစ်လို့မရတာတွေ ၊ စိတ်မပါတဲ့ရက်တွေရှိနိုင်တယ်။ အရေးမကြီးဘူး။ စိတ်မပါလည်းလုပ်ရမယ်။ ဒီသုံးချက်ကို သိထားပြီး Ready ဖြစ်ပြီဆိုရင် ဆက်ပြီးတော့ ဖတ်လို့ရပြီ ။ Plan ရဲ့ အရေးအကြီးဆုံးနဲ့ ပထမဆုံးအဆင့် 📍 --------------------------------------------- * စိတ်ဓာတ်ကို အရင်ပြင်မယ်။ * အစ်မ ဒဲ့ပဲပြောပြမယ်နော်။ လိုအပ်လို့အမှန်အတိုင်းပြောပြတာ။ အစ်မ မှမပြောရင် ဘယ်လိုသိမလဲ။ အဲ့တော့ Personal Feeling တွေမပါကြေး။ မကြိုက်ဘူးဆိုရင် ကျော်သွားပေး။ တစ်ခါတစ်လေကျရင်ကွာ... ကိုယ့်မိသားစုတွေက ဟိုးအရင်ကတည်းကမပြည့်စုံတာဆိုပါစို့။ အဲ့တော့သူတို့ကြီးပြင်းလာတဲ့ပုံစံနဲ့ ၊ သူတို့သင်ယူခဲ့ရသလောက်ပေါ်မူတည်ပြီး စိတ်ခံယူချက်တွေကမတူကြဘူး။ အစ်မ အမေဆိုရင် ဝန်ထမ်းတစ်ယောက် ။ ဝန်ထမ်း ဘဝရဲ့အပြင်ဘက်မှာဘာရှိလဲသူမသိဘူး။ ဘာလုပ်ရမလဲ လည်း သူမသိဘူး။ အဲ့လို Circle မှာပိတ်မိလို့ပိတ်မိမှန်းမသိတာရယ် ၊ ဘဝအခြေအနေကြောင့်ရယ် သူလက်ရှိရောက်နေတဲ့ဘဝမှာ နေသားကျနေတာ။ တစ်နည်းပြောရင် ငွေကြေး ကိစ္စ ပူပင်ရတာ ၊ မပြည့်စုံတာ ၊ ငွေကြေးကြောင့် အမျိုးတွေဆီက အနှိမ်ခံရတာ ၊ မျက်နှာငယ်ရတာ စသည်ဖြင့်ပေါ့နော် ။ အားလုံးနဲ့နေသားကျနေတော့ တစ်ခုခုဆို ရုန်းထွက်မယ့်အစား Vict_im mindset နဲ့ပဲတွေးတယ်။ အဲ့ထက်ပိုပြီးသူမလုပ်နိုင်ဘူးလို့ သူ့ကိုယ်သူယုံကြည်နေရော။ ( ဒါအပြစ်ပြောတာမဟုတ်ဘူးနော်။ အစ်မနောက်ပိုင်း အသက်ကြီးလာမှမြင်လာ မှနားလည်လာတဲ့အရာ) အဲ့တော့ အစ်မလည်းအဲ့ပုံစံအတိုင်းကြီးလာတာပဲ။ မိဘကပေးတဲ့ စိတ်အခြေအနေကို လက်ခံယူလာမိတယ်။ တစ်ခုခုဆို ငါတော့မတတ်နိုင်ဘူး။ မဖြစ်နိုင်ဘူး။ မလုပ်နိုင်ဘူး။ ဒါတွေကငါနဲ့မဆိုင်တဲ့အရာတွေဆိုပြီး အစ်မပါလိုက် ယုံ မိရော။ လူဆိုတာ ကိုယ်ယုံကြည်တဲ့အတိုင်းကိုယ်ဖြစ်လာတာပဲလေ။ တဖြည်းဖြည်းနဲ့အရွယ်ရောက်လာတော့ မမျှတ တာတွေမြင်လာတယ်။ သိလာတယ်။ မေးခွန်းတွေစမေးလာတယ်။ မခံမရပ်နိုင်တွေဖြစ်လာတယ်။ အဲ့ဒီ့အချိန်ရောက်မှ ` ငါယုံကြည်မိနေတာတွေက မှားနေပါလား။ ´ ဆိုပြီးသိလာတာ။ ဒီတော့ပြောချင်တာက ကိုယ့်မိသားစုကလည်းအဲ့လိုမျိုးဖြစ်နေတယ်။ ကောင်းတဲ့အရာတွေ ၊ စျေးကြီးတာတွေက ကိုယ်နဲ့မဆိုင်ဘူး။ ငါတို့က ဒါတွေမတတ်နိုင်ဘူး။ ဒီအခြေအနေမှာပဲနေရမှာ တို့.... စသည်ဖြင့် အဲ့လိုမျိုးတွေယုံကြည်နေတယ်ဆိုရင် - သူတို့စိတ်ကိုသွားပြောင်းလဲလို့မရဘူး။ သူတို့ကလူကြီး။ သူတို့ထင်တဲ့အတိုင်းပဲသူတို့နေကြမှာ။ လွှတ်ထားလိုက်။ပင်ပန်းမယ့် ကိစ္စတွေမလုပ်နဲ့ ။ - လုပ်လို့ရတာက ကိုယ့်စိတ်ကိုတော့ပြောင်းလို့ရတယ်။ မတတ်နိုင်ဘူးဆိုတဲ့စကားကြားရပြီဆို စိတ်ထဲမှာအဲ့တာကိုလက်မခံနဲ့ ။ ငါအခုတော့မတတ်နိုင်သေးတာ ။ ဒါပေမယ့် တစ်ချိန်ကျ ငါ ရ နိုင်တယ်။ ငါလုပ်နိုင်တယ်။ ဖြစ်ကိုဖြစ်မှာ လို့ပြောင်းတွေး။ ဘာလို့စိတ်ကိုအရင်ပြောတာလဲဆိုတော့ အရာရာက စိတ်က စလို့ပဲ။ တစ်ချို့မထင်ထားတဲ့အခြေအနေတွေမှာ စိတ်ခွန်အားကြောင့်လုပ်နိုင်တာတွေလည်းရှိတယ်။ အစ်မကတော့စိတ်မှာ စွမ်းအင်ရှိတယ်လို့ယုံတယ်။ ကိုယ်ယုံကြည်တဲ့အတိုင်း ကိုယ်ဖြစ်လာမှာလို့လည်းယုံတယ်။ ဒါကြောင့် အစ်မအရည်အချင်း ၊ အိမ်မက် နဲ့ပတ်သက်လာရင် ဘယ်တော့မှ ကိုယ့်ကိုယ်ကို သံသယ ဝင်တဲ့စကားမပြောဘူး။ လုပ်နိုင်တယ်လို့ပဲယုံထားလိုက်တယ်။ နည်းနည်းတော့ခက်ခဲပေမယ့် အစ်မကြိုးစားသမျှ 90% လောက်က တစ်ကယ်ဖြစ်လာတာတွေကြီးပဲ။ အဲ့တော့ စိတ်ကိုအရင်ပြင်။ Mindset က Ready မဖြစ်သေးရင် ဘာမှစလုပ်လို့မရဘူးနော်။ ဒီနေ့ကတော့ Plan ရဲ့ ပထမဆုံးအဆင့်ကိုပြောပြလိုက်တာဖြစ်ပါတယ်။ နောက်တစ်ဆင့်ကို သိချင်တယ်ဆိုရင်တော့ Cmt မှာ ( 2 ) လို့ ရေးခဲ့ပါ။ 👇 အကျိုးရှိတယ်လို့ခံစားရရင် ❤ ပေးပြီး Share သွားဖို့မမေ့နဲ့ဦးနော်။ - @hope_youth_empowerment