#marriagelife # “ကလေးကို အဖေမ ရှိဘဲ မကြီးပြင်းစေနဲ့ တဲ့၊ ကလေးရှိနေပြီပဲ ပြန်ပေါင်း လိုက်” လို့ အလွယ်တကူ မပြောပါနဲ့။ ကလေးအတွက်ဆိုပြီး မိခင်တစ်ယောက်က မပျော်တဲ့ ဘဝထဲ ပြန်ဝင်နေရမယ်လို့ မသတ်မှတ်ပါနဲ့။ ကလေးလိုအပ်တာက နာမည်ပေါ်က အဖေတစ် ယောက်မဟုတ်ဘူး—စောင့်ရှောက်မှု၊ ချစ်ခြင်း မေတ္တာ နဲ့ စိတ်ချမ်းသာတဲ့မိသားစုပါ။ ကိုယ်မနေဖူးတဲ့ဘဝကို ကိုယ်ချင်းမစာဘဲ အကြံပေး ရတာ လွယ်ပါတယ်။ ဒါပေမယ့် အဲ့ဒီဆုံးဖြတ်ချက်ရဲ့ နောက်ဆက်တွဲကို တော့ ကျွန်မနဲ့ ကျွန်မကလေးပဲ ခံရမှာပါ။ ဒါကြောင့် မသိတဲ့ဘဝကို မဆုံးဖြတ်ပေးပါနဲ့။ ကျွန်မဘဝကို ကျွန်မရွေးချယ်မယ်။ ကလေးဘဝကိုလည်း ကျွန်မကာကွယ်မယ်။ “ကလေးအတွက် ပြန်ပေါင်းလိုက်” ဆိုတာ ခဗျားတို့ အတွက် အကြံပေးစကားတစ်ခွန်းပဲ။ ကျမအတွက်တော့ ပြန်ပေါင်းရင် ပြန်ခံရမယ့်နာကျင် မှုတွေ၊ မျက်ရည်တွေ၊ ဆုံးရှုံးမှုတွေအားလုံးက တကယ့်ဘဝပဲ။ ဒါကြောင့် ကိုယ်မခံစားဘူးတဲ့ ခံစားချက်ကို အကြောင်းပြုပြီး ကလေးရှိသေးတယ်နော်ဆိုတဲ့ စကားလေးတစ်ခွန်းနဲ့ ကျွန်မကို သည်းမခံခိုင်းကြပါနဲ့။ ကလေးရှိလို့ ပြန်ပေါင်းရမယ်ဆိုရင် အဖေမပီသတဲ့လူတိုင်းက ကလေးရှိတာနဲ့ လူကောင်း ဖြစ်သွားမှာလား? အဲ့ဒီ ကလေးကိုသူလိုချင်ပါတယ်ဆိုလို့ ကိုယ့်အတွက် မကြည့်ဘဲ သူဖြစ်ချင်တာထည့်တွေးပြီး ကလေးယူ ပေးခဲ့တာတောင် အကြိမ်"ဖောက်ပြန်ခံရတယ်လေ ကလေးအတွက်ဆိုတဲ့စကားနဲ့ မိခင်တစ်ယောက်ကို မခံနိုင်တဲ့ဘဝထဲ ပြန်တွန်းမပို့ပါနဲ့။ အခုလိုပြုံးပျော်ရွှင်ဖို့ ကျွန်မရဲ့မျက်ရည်တွေကို ပထမဦးဆုံး အရင်းပြုခဲ့ရတာပါ လွယ်"နဲ့အခုလို ခံနိုင်ရည်ရှိခဲ့တာ မဟုတ်တာမို့ ထပ်ပြီး ကျမတို့သားမိကို မပက်သက်ပါနဲ့တော့။ - @tun135728