@bkoznkaaak: Облыстық арнаулы кітапханада «Өлке қаламгерлерінің шығармашылығы - Брайль қарпінде» жобасы аясында ақын Қазақстан авторлар қоғамының мүшесі Абдул Ғабитұлы Рахметовтің «Белес» кітабы нүктелі-бедерлі қаріпте жарық көрді. Осыған орай, кітапты көз мүгедектігі бар оқырмандар арасында таныстыру, насихаттау мақсатында кітапханада автордың қатысуымен «Белес» - жырға айналған сыр» тақырыбында таныстырылым кеші өтті. Кешке Қазақстан Республикасының еңбек сіңірген қайраткері, «Парасат» орденінің иегері Қ. Бердіғалиев, ақын-ұстаз, жұбантанушы Ү. Елеубаева, ақындар, Қазақстан Жазушылар одағының мүшелері Т. Таймасұлы, М. Балмолда, облыстық халық шығармашылығы орталығының директоры М. Мерғалиев және ҚЗҚ» ҚБ БҚО филиалының төрағасы М. Қадырбеков, «ҚЗҚ» қоғамдық бірлестігінің Орал оқу-өндірістік кәсіпорын директоры И. Хамзин, «№1 облыстық арнайы мектеп интернаты директорының орынбасары А. Қожанғалиев қонақ ретінде қатысты. Кеш барысында «Белес» жыр жинағының арнаулы форматтағы нұсқалары таныстырылып, аудиокітаптан үзінді тыңдалды. Сондай-ақ, кітаптың мазмұны, ақын шығармашылығы жайында кеш қонағымен сүбелі сұхбат өрбіді. Ақынның сөзіне жазылған әндерден «Жыр жаңғырығы» музыкалық топтама ұсынылып, Ғ. Құрманғалиев атындағы облыстық академиялақ филармония әншісі Т. Жауымбаев «Сүйемін қазақтың үш аруын», жас әнші Жандаурен Абылаев «Анашым», «Гүл-әлем» әндерін, №52 ЖББОМ ұстазы А. Қайыров «Тентек қыз», «Бойтұмар» мәдени клубының қызметкері Г. Ахметова «Қыз-ғұмыр», «Атамұра» балалар аула клубының қызметкерлері М. Ихсанова мен А. Есімғалиев «Аппақ қар», кітапхана қызметкері Т. Қалиолла «Жаным, жаным» әндерін әуелете шырқады. Сондай-ақ, кеш қатысушылары ақынның өз оқуында және № 1 облыстық арнайы мектеп-интернатының оқушыларының, М. Өтемісов атындағы БҚУ студенттерінің, кітапхана оқырмандары мен кітапханашылардың оқуында ақынның туған жер, балалық шақ, өмір және т.б. өлеңдерін тыңдады. Акустикалық бағытта өткен бұл шарада облыстық камералық оркестр әртісі Д. Резвов, Д. Нұрпейісова атындағы №1 балалар музыка мектебінің оқытушысы А. Ибатова мен «Атамұра» балалар аула клубының маманы А. Есімғалиев түрлі аспаптармен музыкалық сүйемелдеу жасады. Кеш соңында кітапхана оқырмандары мен кеш қонақтары да ақынға деген ізгі тілектерін білдірді. Кітапхана директоры М. Айтқалиева кеш кейіпкеріне «Белес» аудиокітабы мен естелік сыйлық табыс етті. #БҚОЗНКАААК #брайлькітабы

bko_arnauly_kitapkhana

Open In TikTok:

Region: KZ

Thursday 22 October 2026 05:55:23 GMT