ကျွန်မမှာ ယောကျ်ားလေးယောက်ရှိပါတယ်... #ပထမဆုံးယောက်ျားကြီးက ဘာသာရေးသမားပါ...။ #ဒုတိယယောကျ်ားက ပညာတတ်တစ်ယောက်ပါ သူက ကျွန်မရဲ့လုပ်ငန်းဆောင်တာများ လုပ်ကိုင်ရာမှာ တော်တော်အဖေါ်ရတဲ့ ယောကျ်ားပါ...။ #တတိယယောကျ်ားကတော့ သူဋ္ဌေးတစ်ယောက်ပါ ကျွန်မရဲ့လုပ်ငန်းများလုပ်ဆောင်ရန် လိုအပ်သည် များကို အများဆုံးပံ့ပိုးကူညီနေသူပါ...။ #စတုတ္ထယောကျ်ားအငယ်ဆုံးလေးကတော့ အလွန်ချောမောလှပလွန်းတဲ့သူတစ်ယောက်ပါ ယောကျ်ားလေးယောက်ထဲမှာ သူ့ကို ကျွန်မအချစ်ဆုံးပါ... ကျွန်မဘယ်သွားသွား ဘာလုပ်လုပ် သူကကျွန်မအပါး အမြဲခေါ်ထားသူလေးပါ...။ ဒုတိယနဲ့ တတိယ ယောက်ျားတွေကလဲ ကျွန်မကဂရုတစိုက် နဲ့ ချစ်ရသူတွေပါ...။ ဒါပေမယ့် ပထမယောက်ျားကြီးကတော့ အေးဆေးတည်ငြိမ်လွန်းသူမို့ တစ်ခါတစ်ခါ ရှိတယ်လို့တောင် မထင်မိတဲ့ ကျွန်မဂရုမစိုက်မိဆုံး ယောကျ်ားပါ...။ တစ်နေ့ မထင်မှတ်ဘဲ ကျွန်မရောဂါဝေဒနာတစ်ခု ဆိုးဆိုးဝါးဝါး ခံစားရပါတယ် အိပ်ရာထဲနေရင်း လှုပ်လိုက်တာနဲ့ သေမလောက်နာကျင်ရတဲ့ဝေဒနာကို ခံစားနေရတာပါ...။ ဒါနဲ့ သုံးရက်မြောက်နေ့မှာ ကျွန်မကိုယ်ကျွန်မသေလူအဖြစ်သတ်မှတ်မိလိုက်ပါတော့တယ်...။ ထိုအချိန်မှာ ကျွန်မရဲ့ ယောက်ျားလေးယောက်လုံး ကျွန်မအနားမှာ ဝိုင်းနေကြပါတယ် အဲ့ဒီအချိန်မှာ ကျွန်မအရမ်းချစ်ရတဲ့ စတုတ္ထယောက်ျားအငယ်ဆုံးလေးကို ကျွန်မစကားတစ်ခွန်းမေးမိတယ်...။ "ရှင့်ကို ကျွန်မအရမ်းချစ်ပါတယ် အားလုံးထဲမှာ အချစ်ဆုံးပါ ကျွန်မသေရင် ရှင်ကျွန်မနဲ့နောင်ဘဝအထိ လက်တွဲရအောင် လိုက်ခဲ့မှာလားလို့မေးလိုက်ပါတယ် သူခဏစဉ်းစားတယ် နောက်ဖြေးညှင်းစွာနဲ့ ခေါင်းခါတယ် မမသေရင် အလွန်ဆုံး မမအနား နေရင် (၇)ရက်ပေါ့တဲ့.. မောင်နဲ့သက်တူ ရွယ်တူ မမ မရှိရင် မောင်တို့ကို စောင့်ရှောက်ပေးမဲ့လူ ရှိနေပီတဲ့ ဟင်း ရက်စက်လိုက်တာ...။ ဒါနဲ့တတိယတစ်ယောက်ကို မေးတယ် သူကတော့ ချက်ချင်းပြန်ဖြေတယ် "မမသေတာနဲ့ ကျွန်တော်ကချက်ချင်း နောက်လူထက်ယူမှာ"တဲ့။ ဘုရား ဘုရား ကျွန်မမျက်လုံး တော်တော်ပြူးသွားပြီး။ ဒုတိယ ယောက်ကျားကိုမရဲတရဲ ကြည့်လိုက်မိတယ် ရှင်ရောလို့ မဝံ့ မရဲ မေးလိုက်မိတယ် သူ့နှုတ်က ဘာမှပြန်မဖြေပါဘူး ဒါပေမယ့် ဖြေးညှင်းစွာနဲ့ခေါင်းကိုခါတယ် သူလဲ မလိုက်နိုင်ပါဘူးဆိုတဲ့သဘောပေါ့...။ ကျွန်မစိတ်ဓါတ်အကြီးအကျယ် ကျသွားမိတယ် ကျွန်မအရမ်းချစ်ခင်တွယ်တာနေမိတဲ့သူတွေ- - - ကျွန်မဘာမှမပြောနိုင်တော့ဘူး.. အဲ့ဒီအချိန်မှာ ဘဝတစ်လျှောက်လုံး ဥပေက္ခာ ပြုထားမိတဲ့ အမျိုးသားအကြီးဆုံးစီကစကားသံထွက်လာတယ်...။ "ကိုကိုလိုက်မယ် တဲ့ မင်းဘယ်ဘဝရောက်ရောက် မင်းနဲ့ မခွဲမခွါ ကိုကိုလိုက်ပါ့မယ်"တဲ့...။ အိုး... ငါဂရုမစိုက်ဆုံးယောက်ျားက ငါမမေးရပါဘဲ ဘဝအဆက်ဆက် ငါနဲ့လိုက်မယ်တဲ့လား.. ကျွန်မနောင်တရမိပါပြီး တန်ဖိုးအရှိဆုံးသူကို ကျွန်မဘဝတစ်လျှောက်လုံး ဥပေက္ခာ ပြုထားမိပါလား...။ #ဇာတ်ပေါင်းဖြေရှင်းသော် ..... ကျွန်မ၏ စတုတ္ထယောက်ျားမှာ ကျွန်မ၏ခန္ဓာကိုယ် ဖြစ်ပါသည်.. သူ့ကိုကျွန်မအချစ်ဆုံးနဲ့ ဂရုအစိုက်ဆုံးပါ.. နံနက်အိပ်ရာထသည်နှင့် သူ့ကိုသန်ရှင်းပေးရ အမွေးနံ့သာ လိမ်းချယ်ရ လှပအောင် ဝတ်ကောင်းစားကောင်းများ ဝတ်ဆင်ပေးရ သူကတော့ ကျွန်မအပေါ် တစ်စက်မှသစ္စာမရှိ နေ့တစ်ဝက်လောက်နဲ့ ချွေးတွေအပုပ်နံ့တွေထွက်လာအောင်လုပ်သည်.. သူ့ကိုဆင်ထားပေးသောအဝတ်အစားတွေကိုညစ်ပေ နံစော်သွားအောင်လုပ်သည် အဆိုးဆုံးကတော့ ကျွန်မကို နေ့စဉ် အိုလာအောင် နာလာအောင် လုပ်နေသည့်အပြင် သေအောင်ပါလုပ်နေသည်.. ဒါကို သတိမမူမိဘဲ ဒီခန္တာကြီးကို ချစ်ခင်နေမိသည်။ သေလျှင် နှစ်ရက် သုံးရက်ထက်မပိုသူစွန့်ခွာပေတော့မည်...။ တတိယအမျိုးသားနှင့်တူသည်မှာ ကျွန်မပိုင်ဆိုင်သော စည်းစိမ်ဥစ္စာ များဖြစ်သည် ကျွန်မသေသည်နှင့် ကျွန်မနှင့် မသက်ဆိုင်တော့ပဲ ကျန်သူများပိုင်ဆိုင်ရမည်မို့ နောက်မယားအသစ်ချက်ချင်း ယူမည်ဆိုသည်မှာ မမှားပေ...။ ဒုတိယအမျိုးသားမှာ ကျွန်မတတ်မြောက်ထားသော အသိပညာ အတတ်ပညာများကို ဆိုလိုပါသည်။ မိသားစု စားဝတ်နေရေးအတွက် စီးပွားရှာရာမှာ သူသည် လွန်စွာအထောက်အကူ ပြုတာ မှန်ပါသည် သို့သော် ကျွန်မသေသည်နှင့် သူသည် ကျွန်မအနောက်မလိုက်နိုင်သလို ဘာမှလဲ သုံး၍ရတော့မည်မဟုတ်ပေ...။ ကျွန်မရဲ့ပထမ အမျိုးသားကတော့ကျွန်မပြုသမျှသော ကောင်းမှု မကောင်းမှုဒါန သီလ ဝိပဿနာ ဘာဝနာ အားထုတ်မှု အားမထုတ်မှုများဖြစ်ပါသည်...။ မိဘများကဗုဒ္ဓဘာသာမို့ မိမိလဲဗုဒ္ဓဘာသာဖြစ်လာသည် ဘာသာရေးကို ထဲထဲဝင်ဝင် အလေးထားလေ့လာ မှတ်သားလိုက်နာရမည်မသိအပေါ်ယံ သမံကာ လျှံကာ ဥပေက္ခာ ပြုမိနေမိသည်...။ နေစဉ် ကျွန်မတို့ ပြုသမျှ ကောင်းမှု မကောင်းမှု သီလ ဆောက်တည်မှု ပျက်ယွင်းမှုဝိပဿနာဘာဝနာတရား ပွားများမှု မပွားများမှုများသည် ဒီဘဝသေ လွန်သွားသော်လည်း သံသရာမဆုံးသ၍ တစ်ချိန်လုံး လိုက်နေမည်မှာ မလွဲဧကန်ဖြစ်ပါသည်...။ ထို့ကြောင့် မမြဲသော ကိုယ့်နောက်မပါနိုင်သော အရာများအပေါ် စွဲလန်းခြင်း မိမိအနောက် တစ်သံသရာလုံး တောက်လျှောက်ပါမည့် ကောင်းမှု မကောင်းမှု များကို ခွဲခြမ်းစိတ်ဖြာ၍ ကောင်းမှု ကုသိုလ်များ တတ်နိုင်သလောက်ပြုလုပ်ကာ ယနေ့မှစ၍ ကြိုးစားကြပါစို့...။ ပြန်လည်မျှဝေပါသည်။ 💕ချစ်သက်💕 - @chitthat9685432