@jamiivoice_: HABARI: Mbunge wa Mbeya Mjini, Patrick Mwalunenge, amekutana na madereva wa bajaji pamoja na wafanyabiashara wadogo maarufu kama machinga, kwa lengo la kuzungumza nao na kusikiliza changamoto zinazowakabili. Katika mazungumzo hayo yaliyofanyika Kabwe Jijini Mbeya mchana wa leo, Oktoba 21, 2026, madereva bajaji na machinga wametaka wenzao wanaodai kukamatwa na Jeshi la Polisi waachiwe ili waweze kukutana na kuzungumza kuhusu changamoto zao. Wamesisitiza kuwa mazungumzo ndiyo njia ya kutatua tofauti zilizopo, wakieleza kuwa amani hailetwi kwa nguvu za silaha bali kwa kusikilizana na kutafuta suluhu. Akizungumza na wafanyabiashara hao, Mwalunenge amewataka madereva bajaji na machinga kufuata utaratibu, huku akiahidi kufikisha maombi yao kwa viongozi wa Serikali ili changamoto zao ziweze kusikilizwa. Mgomo wa madereva bajaji jijini Mbeya umeingia siku ya tatu leo, huku madereva hao wakiendelea kusitisha shughuli zao wakishinikiza Serikali kusikiliza na kushughulikia changamoto zao.

Jamii Voice

Open In TikTok:

Region: TZ

Thursday 22 October 2026 09:24:22 GMT