@shergmedia: Oktyabrın 21-də Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevə zəng edib. Şərq TV xəbər verir ki, dövlət başçıları telefon danışığı zamanı Azərbaycan-Türkiyə ikitərəfli münasibətlərini, regional və qlobal məsələləri müzakirə ediblər. Prezident Rəcəb Tayyib Ərdoğan Azərbaycan ilə Türkiyə arasında qardaşlıq münasibətlərinə əsaslanan əməkdaşlığın bundan sonra da daha yüksək səviyyəyə qalxacağına əminliyini ifadə edib. Azərbaycanın dövlət müstəqilliyinin bərpasının 35-ci ildönümü münasibətilə təbriklərini çatdıran Türkiyə lideri, Prezident İlham Əliyevi Ankarada keçiriləcək Türk Dövlətləri Təşkilatının 13-cü Zirvə Görüşünə dəvət edib. Dövlətimizin başçısı isə telefon zənginə və təbrikə görə türkiyəli həmkarına təşəkkürünü bildirib. #türkiyə #azərbaycan #ilhamaliyev #ərdoğan #gündəm

Şərq TV

Open In TikTok:

Region: AZ

Thursday 22 October 2026 09:36:22 GMT