စစ်အစိုးရက ဗဟိုဘဏ်ကနေ ကျပ်ငွေဘီလျံ ၂၁၀၀ထုတ်ချေးပေးဖို့ လွှတ်တော်ကဆုံးဖြတ်ပေးလိုက်ပြီးနောက်ပိုင်း အခုလ၁၆ ရက်နေ့ကပဲ ထပ်ပြီးဖြည့်စွက်လိုငွေ ကျပ်ငွေဘီလျံပေါင်း ၇၄၆၈.၇၀၂ ဘီလျံထပ်တောင်းလိုက်ပါတယ်။ ၂၀၂၆ဧပြီလမှာ ဘတ်ဂျတ်လိုငွေ ခန့်မှန်းထားတာက ကျပ်ငွေ ဘီလျံ၄၀၀၀ နီးပါးသာခန့်မှန်းခဲ့ပေမယ့် အခု အောက်တိုဘာလမှာတော့ စစ်အစိုးရရဲ့ ဒီနှစ်ဘတ်ဂျတ်လိုငွေ စုစုပေါင်းက ၁၁၄၁၈ ဘီလျံအထိ ရှိလာပါတယ်။ လက်ရှိမှာ စစ်တပ်ရဲ့ ပြည်ပဝင်ငွေရပေါက်ရလမ်းတွေအကြောင်းမပြောခင် စစ်အစိုးရမှာ အကြွေးဘယ်လောက်ရှိသလဲဆိုတာကြည့်ရရင် ၂၀၂၁မှာစာရင်းဇယားတွေအရ ကမ္ဘာဘဏ်မှာ အမေရိကန်ဒေါ်လာ ၄.၁ ဘီလျံ( ဒေါလာသန်းပေါင်း ၄၁၀၀) အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) မှာ ဒေါ်လာ သန်း ၄၀၀ ကျော် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) နဲ့ ဂျပန်အစိုးရဆီက အမေရိကန်ဒေါ်လာ ၄.၃ ဘီလျံ( ဒေါ်လာသန်းပေါင်း ၄၃၀၀) တရုတ်နိုင်ငံကနေ အမေရိကန် ဒေါ်လာ ၃.၃ ဘီလျံ(အမေရိကန်ဒေါ်လာသန်းပေါင်း ၃၃၀၀) စုစုပေါင်း ဆပ်ရမယ့်အကြွေးက အမေရိကန်ဒေါ်လာ ၁၁ဘီလျံ( ဒေါ်လာသန်းပေါင်း ၁၁၀၀၀) ရှိပါတယ်။ အဲဒီထဲမှာမှ တရုတ်နိုင်ငံအပေါ်တင်တဲ့အကြွေးအနည်းငယ်ကိုသာ ဖဲ့ဆပ်နေပြီး ကျန်တဲ့ ဂျပန်၊ ကမ္ဘာဘဏ်နဲ့ IMF ကအကြွေးတွေ အကုန်လုံးမဆပ်ပဲ ဆိုင်းငံ့ထားပါတယ်။ ဟိုကလည်း ထပ်မချေးတော့ပါဘူး။ အာဏာမသိမ်းခင်က အကြွေးပဲထားခဲ့တာမဟုတ်ပါဘူး။ နိုင်ငံခြားရန်ပုံငွေ ၅.၇ ဘီလျံနဲ့ အမေရိကန်မှာ ၁ ဘီလျံရှိပါတယ်။ အမေရိကားမှာရှိတဲ့ ၁ ဘီလျံက ထိမ်းသိမ်းခံထားရတာမို့ ကျန်တဲ့၅.၇လီလျံက စစ်တပ်ကသုံးခွင့်ရပါတယ်။ အာဏာသိမ်းပြီး သုံးနှစ်အကြာ ၂၀၂၄မှာပဲ အဲဒီနိုင်ငံခြားရန်ပုံငွေဟာ ၃.၃ ဘီလျံအထိ ပဲကျန်တော့တာပါ။ အခုဆိုရင် စစ်တပ်မှာ နိုင်ငံခြားရန်ပုံငွေ မရှိသလောက်နည်းပါးနေပါပြီ။ အပေါ်က အကြွေးတွေပြန်မဆပ်တဲ့အပြင် ဘီလာရုနိုင်ငံကနေ ပမာဏမဖေါ်ပြတဲ့ အတိုးကြီးချေးငွေ ထပ်ချေးပါတယ်။ ဘီလာရုဆီက စစ်နက်လက်ပစ္စည်းအရေးပေါ်ဝယ်ယူပြီး မြန်မာပြည်ထွက် ဆန်၊ပဲ စတဲ့ကုန်ပစ္စည်းနဲ့ ပြန်ဆပ်မှာပါ။ အတိုးနှုန်းက ဝယ်ယူတဲ့ပစ္စည်းတွေအပေါ်မူတည်ပြီး ၂.၂၅%ကနေ ၉.၃၃% အထိအတိုးပေးရမှာပါ။ သာမန်အားဖြင့် ဂျပန်တို့ IMF တို့ကနေ ချေးရင် နှစ်လေးဆယ်အထိပြန်ဆပ်ဖို့အချိန်ရပြီး အတိုးနှုန်းကတော့ ၀.၀၁%ကနေ ၁ကျပ်တိုးပဲပေးရတာပါ။ ဝင်ငွေရလမ်းကြောင်းကတော့ ပို့ကုန်တင်ပို့မှု နဲ့ကုန်ထုတ်လုပ်မှုမရှိသလောက်ဖြစ်နေတာမို့ ပြည်ပမှာရှိတဲ့ လုပ်သားတွေဆီကနေ အခွန်နဲ့ ဝင်ငွေ ၂၅% က အများဆုံးဖြစ်လာပြီး တစ်နှစ်မှာ ဒေါ်လာ ၅.၆ဘီလျံ( အမေရိကန်ဒေါ်လာ သန်းပေါင်း ၅၆၀၀) ရှိပါတယ်။ ဒုတိယအနေနဲ့ကတော့ ထိုင်းကိုရောင်းတဲ့ သဘာဝဓါတ်ငွေ့ဖိုးနဲ့ တရုတ်ရေနံပိုက်လိုင်းဖြတ်သန်းခ ပဲရှိတာပါ။ ၂၀၀၁ကတည်းက အခုချိန်အထိ NLD လက်ထက်က တံတားတွေကိုဖွင့်လှစ်ပေးခဲ့တာသာရှိပြီး စစ်အစိုးရအနေနဲ့ ဆောက်ပေးခဲ့တာက မန္တလေးကျုံးက စည်ရှည်တံတားပဲရှိပါတယ်။ အဲဒီအပြင် စစ်တိုက်ဖို့အခုဗဟိုဘဏ်ကို ကျပ်ငွေ ဘီလျံ၂၁၀၀ကိုငွေရိုက်ထုတ်ပေးဖို့ ထပ်ချေးပါတယ်။ မင်းအောင်လှိုင်ဟာ နှစ်နှစ်အတွင်း တော်လှန်ရေးထိမ်းချုပ်နယ်မြေတွေကို ပြန်ရဖို့ ရည်မှန်းချက်နဲ့ ထိုးစစ်ဆင်နေပါတယ်။ အဲဒီအတွက် ခဲယမ်းလိုအပ်ချက်တွေ စစ်သားလိုအပ်ချက်တွေ အမြောက်အများလိုတယ်။ ပေါ်တာဆွဲလာတဲ့ ပစတွေတိုးလာတာမို့ လစာ ရိက္ခာဖိုး တိုးလိုတယ်။ ဒါ့အပြင် အခြား အရပ်ဖက်ဝန်ထမ်း ၁သန်းအတွက် လစာပေးချေမှုတွေလုပ်ရတယ်။ လစာမပေးနိုင်ရင် အုပ်ချုပ်မှုယန္တယားရပ်တန့်ပြီး ဆီးရီးယားကအာဆတ်ထွက်ပြေးရသလိုမဖြစ်ချင်လို့ ငွေကိုရိုက်ပြီးထုတ်တယ်။ ငွေရိုက်ထုတ်လိုက်တိုင်း ပြည်သူလူထုပိုင်ဆိုင်မှု နဲ့ ကျပ်ငွေသုံးစွဲနေတဲ့သူတွေအကုန်လုံးရဲ့ ပိုင်ဆိုင်မှုတွေကျသွားမယ်။ အရင် ငါးထောင်နဲ့ဝယ်လို့ရတဲ့ဆန်တပြည်ဟာ နို့ဆီဘူး ငါးလုံးကနေ တဖြည်းဖြည်းနဲ့ သုံးလုံးအထိပဲရမယ်။ပြည်သူ့ဆီက ခိုးယူလိုက်တာ။ အဲဒီလိုရိုက်ထုတ်ထားတဲ့ ပိုက်ဆံတွေနဲ့ လစာပေး ရိက္ခာဝယ်စစ်တိုက်နေပေမယ့် စစ်ရေးအရ သိသာထင်ရှားလောက်အောင် အရေးသာမှုမရှိဘူး။ စစ်တွေ ၄၉၂၆ စစ်ဆင်ရေးဟာ ထိုးစစ်ကနေ ခံစစ်ပြောင်းတယ်။ ဒီကနေ့ဆိုရင် စစ်တွေက INGO တွေ လေယာဉ်စီးလုံးငှားပြီး ပြေးဖို့လုပ်နေတယ်လို့ သတင်းတွေတက်လာတယ်။ လေကြောင်း၊လက်နက်ကြီး၊လူအင်အားအသာစီးနဲ့ထိုးတာတောင်မှ စစ်တွေပါသွားရင် စစ်တပ်အတွက် ဘယ်လောက်ရုန်းရုန်း ဒီတောင်ကိုကျော်ဖို့လွယ်နိုင်စရာအကြောင်းမရှိတော့ပါ။ ကျပ်ငွေတန်ဖိုးအရမ်းကျဆင်းလာပြီး ဘဏ္ဍာရေးပြိုလဲသွားတဲ့အခါ အခြေခံဝန်ထမ်းတွေအတွက် ရတဲ့လစာကစားဖို့မလောက်တော့ရင် ဗဟိုကွပ်ကဲမှုပြိုလဲပြီး စစ်တပ်ကနေ စစ်မင်းအသစ်တွေ ဓါးပြအသစ်တွေ ထပ်ပေါ်လာဖို့ပဲရှိပါတော့တယ်။ #ဦးကိုကိုမောင်📖🖋 - @ukokomg.ukokomg