ӘЛЕУМЕТТІК ҚАМСЫЗДАНДЫРУ ОРТАЛЫҒЫНЫҢ ҰЖЫМЫМЕН КЕЗДЕСУ Бүгін Әлеуметтік қамсыздандыру орталығының қызметкерлерімен кездесіп, Жетісай қаласының болашағына бағытталған сайлауалды бағдарламамды таныстырдым. Кездесу барысында қаламыздың әлеуметтік-экономикалық дамуы, тұрғындардың өмір сүру сапасын арттыру, инфрақұрылымды жақсарту және қала тұрғындарына қолайлы орта қалыптастыру мәселелеріне тоқталдым. Менің басты мақсатым – Жетісай қаласының әлеуетін арттырып, тұрғындардың күнделікті өмірінде нақты оң өзгерістерге қол жеткізу. Ол үшін қаланың инженерлік инфрақұрылымын жетілдіру, су бұру және дренаж жүйелерін реттеу, көшелерді абаттандыру, балалар мен жастарға арналған спорттық және ойын алаңдарын көбейту, кәсіпкерлікті қолдау бағыттарында жүйелі жұмыс жүргізу қажет. Сонымен қатар, әлеуметтік сала қызметкерлерінің қоғамдағы орны ерекше екенін атап өткім келеді. Себебі халыққа сапалы қызмет көрсету, әлеуметтік қолдауды қажет ететін азаматтарға жанашырлық таныту – үлкен жауапкершілік пен адамгершілікті талап ететін маңызды міндет. Кездесу барысында ұжым өкілдерімен пікір алмасып, қаламыздың дамуына қатысты ойларымды ортаға салдым. Қаланың болашағы тек бір адамның емес, барша тұрғынның ортақ жауапкершілігі деп есептеймін. Сондықтан әрбір азаматтың ұсынысы мен пікірі маңызды.#жетысай #сайлау2026 - @dosymovsaken